Kyakkyawar Soja Ta Wallafa Bidiyon Da Ke Nuna Yawan Kudin Da Ta Samu a Matsayin Sojar Amurka a 2022

• Wata matashiyar sojar Amurka ta nuna a wani bidiyo cewa tana samun fiye da $100,000 (N45,005,000) a matsayin albashi da sauran alawus a matsayin jami'a
• A zangon farko na shekarar, ta samu kudin shiga da ya kai $35,841.72 (N16,130,566.09) da albashinta na watan Mayu $26,725.44 (N12,027,784.27)
• Mutane da dama da suka yi martani ga bidiyon sun so sanin matakin da take kai a rundunar sojin da har take samun kudaden sannan wasu sun nuna sha'awarsu ga aikin

Wata bakar fata mai sun @diaryofdom__, ta garzaya soshiyal midiya don sanar da mutane yawan kudaden da ta samu a matsayin sojar Amurka a shekarar 2022.

A wani dan gajeren bidiyo da ta wallafa, ta jeranto albashinta na wata-wata. A watan Janairu ta samu $8,836,59. A watan da ya biyo baya, ta samu irin haka.

Kara karanta wannan

Cristiano Ronaldo da Ragowar ‘Yan wasa 10 da Suka fi Kowa karbar Albashi a 2023

Kudaden shiga a matsayin sojar Amurka

A watannin Maris, Afrilu da Mayu, ta samu $8,986.35 (N4,044,306.82), $9,182.19 (N4,132,444.61) and $26,725.44 (N12,027,784.27).

Sauran sune Yuni ($9,182.19), Yuli (&11,458.15 ), Agusta ($9,587.19), Satumba ($9,587.19), Oktoba ($9,587.19), Nuwamba ($9,587.19), da Disamba ($9,587.17).

Alkalman biya ya nuna cewa:

"Rundunar sojin Amurka na biyan matsakaicin ma'aikatanta akalla $65,352 a shekara. Albashin rundunar sojin Amurka ya kai daga $34,460 zuwa $122,608."

Matashiyar ta bukaci mutane da su je su tabbatar idan karya take yi. A wani bidiyon, ta yi bayanin wani bangare na abun da ta samu a shekarar.

Kalli bidiyon a kasa:

Jama'a sun yi martani

KnoMotionNupe ya ce:

"Wannan harda BAH BAS kuma a yi la'akari da dadewar mutum a aiki. Mu yi magana ta gaskiya wannan ba shine abun da kowa ke karba ba."

Kara karanta wannan

EFCC ta Fallasa Cuwa-Cuwar Naira Biliyan 13 a Harkar Tallafin Fetur a Shekaru 5

Ariana ta ce:

"Toh me kike son fada mani shine cewa ina bukatar kaso."

GsxrSquid_J ya ce:

"Kuna mamakin dalilin da yasa a kodayaushe NCOs ke zabura yayin da jami'ai ke farin ciki. Wannan shine dalili."

A wani labari na daban, wani matashi dan Najeriya ya tara jama'a domin yin addu'an godiya ga Allah sakamakon kera wata mota mai siffar G-Wagon da ya yi.

Matashin ya tara jama'ar kauyensa a jahar Enugu domin nuna murna kan wannan gagarumin nasara da ya samu.

Asali: Legit.ng