Real madrid ta rasa yan wasan ta 11
Kimanin 'yan wasan Real Madrid 15 ne aka gayyata cikin tawagar kasashensu, domin buga wasannin shiga gasar kofin duniya ko buga wasan sada zumunta ko na matasa.
Tun a ranar Alhamis da kuma karshen makonnan za a ci gaba da buga wasannin neman shiga gasar cin kofin duniya ta 2018.
'Yan wasan Madrid da za su buga wasannin shiga gasar cin kofin duniya sun hada da Carvajal, Sergio Ramos, Nacho, Isco, Lucas Vázquez, Morata, Cristiano Ronaldo, Pepe, Varane, Kroos, Kovacic, Bale da kuma James.
Shi kuwa Keylor Navas zai buga wasan sada zumunta ne da Costa Rica za ta kara da Rasha a Krasnodar a ranar Litinin
Asensio zai yi wa Spaniya wasan da za ta yi da Estoniya a neman gurbin shiga gasar matasa 'yan shekara 21 a ranar Litinin.
A wani labarin kuma Tawagar kwallon kafa ta Spaniya za ta ziyarci ta Italiya, domin buga wasan shiga gasar cin kofin duniya da za su buga a ranar Alhamis.
Kasashen biyu sun kara a manyan wasannin tamaula a tsakaninsu sau 35, Italiya ta samu nasara sau 11, yayin da Spaniya ta ci karawa 10 suka yi canjaras a fafatawa 14.
Spaniya wadda ke mataki na 11 a jerin kasashen da suke kan gaba wajen taka leda a duniya da Italiya wadda ke matsayi na 13, suna rukuni daya da Albaniya da Macedonia da Isra'ila da kuma Liechtenstein.
Haka kuma Italiya da Spaniya da Albaniya suna da maki biyu-biyu a rukuni na bakwai, inda sauran kasashen basu da maki ko daya daga wasannin farko a rukuni da suka yi.
Asali: Legit.ng
