Gwamnatin Buhari tayi watsi da mu, Gwamnan Neja ya koka

Gwamnatin Buhari tayi watsi da mu, Gwamnan Neja ya koka

Gwamnan jihar Neja, Alhaji Abubakar Sani Bello, ya tuhumci gwamnatin tarayya da watsi da su wajen yunkurin da sukeyi na ceto daliban makarantar GSC Kagara da yan bindiga suka sace.

Gwamna Bello ya bayyana hakan ne yayin karban bakuncin mai tsawatarwa a majalisa, Sanata Orji Uzor Kalu, a gidan gwamnatin jihar dake Minna ranar Alhamis, Daily Trust ta ruwaito.

Ya ce gaba daya gwamnatin Buhari ta rabu da shi yayi fama da matsalar shi kadai.

Ya ce duk da cewa gwamnatin tarayya ta turo wakilai yi masa jaje tare da tura jami'an yan sanda 300 jihar, Bello ya ce gwamnatinsa bata samu komai na kudi daga wajen gwamnatin tarayya ba.

"Ina taimakon yake? A yanzu babu wani taimako daga wajen gwamnatin tarayya tun lokacin da wannan abun ya faru. Duk da cewa an turo tawaga don jajanta mana, amma an bar mu da matsalarmu," yace.

"Zamu yi amfani da duk wani dama da dukiya da muke da shi wajen tabbatar da cewa mun ceto yaran nan. Bamu da takamamman ranan dawowansu amma ina da tabbacin hakan zai faru nan ba da dadewa ba."

Gwamnatin Buhari tayi watsi da mu, Gwamnan Neja ya koka
Gwamnatin Buhari tayi watsi da mu, Gwamnan Neja ya koka
Source: UGC

Source: Legit.ng

Tags:
Online view pixel