WHO ta dira Wuhan don bincike kan Korona

WHO ta dira Wuhan don bincike kan Korona

- Wasu mutum 10 daga jami'an Hukumar Lafiya ta Duniya sun isa kasar Sin domin bincike kan Korona

- Jami'an da isarsu an killace su a wani otal inda zasu zauna tsawon makwanni biyu

- Kasar Sin dai itace kasa ta farko da ta fara bayyana cewa an samu barkewar Korona a cikinta

Tawagar masana daga Hukumar Lafiya ta Duniya sun isa Wuhan ranar Alhamis don yin bincike kan asalin cutar COVID-19 fiye da shekara guda bayan fitowarta, yayin da Sin ta ba da rahoton mutuwa ta farko daga Covid-19 watanni takwas da suka gabata.

Jaridar The Punch ta ruwaito cewa, masana kimiyya 10 sun sauka ne saboda aikin da suka jinkirta sosai, sun hadu da jami'an kasar Sin a cikin kayan hazmat yayin da su ma a ka basu kayan kariyan.

An kai jami'an wani otal domin zaman jira na makwanni 2 kamar yadda dokar COVID-19 ta tabbatar.

KU KARANTA: Matsi ya sa wasu direbobi bude tasha mai suna Tashar Buhari

WHO ta dira Wuhan don bincike kan Korona

WHO ta dira Wuhan don bincike kan Korona Hoto: GettyImages
Source: Getty Images

An fara gano kwayar cutar ne a garin Wuhan da ke tsakiyar kasar Sin a karshen shekarar 2019 kuma tun daga lokacin ta bazu a duk duniya ta kashe kusan mutane miliyan biyu kawo yanzu, ta kama dubunnan miliyoyi tare da lalata tattalin arzikin duniya.

Hukumar ta WHO ta ce kiyayye hanyar kwayar cutar daga dabbobi zuwa ga mutane na da mahimmanci don hana barkewar cutar nan gaba.

Duk da tattaunawar da aka kwashe tsawon watanni ana yi game da yadda aka tura su, an toshe tawagar daga isowa a makon da ya gabata.

Hakan wata alama ce ta tasirin siyasa game da asalin kwayar cutar ta hanyar lalata tsakanin kasashe, zato da karyatawa.

Wannan ziyarar ta zo ne yayin da kasar Sin ke yunkurowa domin kawar da wasu sabbin kwayoyin cutar.

Fiye da mutane miliyan 20 suna cikin kulle a arewacin kasar Sin sannan kuma wani lardin an ayyana rufewar gaggawa.

Kasar Sin ta shawo kan cutar ta amfani da tsauraran matakan kulle-kulle da gwaji mai yawa, tana mai yaba wa da sake komowar tattalin arzikinta a matsayin manuniya ga shugabanci mai karfi daga hukumomin kwaminisanci.

Amma kuma wasu harbuwa da aka samu guda 138 ne Hukumar Lafiya ta Kasa ta ba da rahoto a ranar Alhamis - wanda shi ne mafi girma a rana guda tun daga watan Maris din shekarar da ta gabata.

Harbuwar har yanzu ba ta da yawa idan aka kwatanta da ƙasashe da yawa waɗanda ke fama da kamuwa da cututtuka da samun adadi na mace-mace.

Amma kamuwa da cutar a Sin da farko a cikin watanni da yawa - mace mai fama da larura a arewacin lardin Hebei - ya mayar da hankalin kasar Sin kan cutar.

Hashtag din "Sabon mutuwar kwayar cuta a Hebei" da sauri ya tattara ra'ayoyi miliyan 270 a dandalin sada zumunta na kasar Sin na Weibo ranar Alhamis.

KU KARANTA: Wani tsoho dan shekara 70 ya ci ribar N3m a kiwon kifi

“Na dade ban ga kalmomin 'mutuwa daga kwayar cuta' ba, abin ya ban mamaki! Ina fatan annobar na iya wucewa nan ba da jimawa ba,” wani mai amfani ne ya rubuta.

Mutuwar ƙarshe da aka ruwaito a cikin ƙasar Sin ita ce a cikin watan Mayun shekarar da ta gabata, inda yawan waɗanda suka mutu a hukumance yanzu ya kai 4,635.

A wani labarin daban, Asusun Kula da Kananan Yara na Majalisar Dinkin Duniya ya ce rufe makarantu saboda annobar COVID-19 zai yi tasiri mara kyau a kan ci gaba, aminci da kuma lafiyar yara a duniya, yana mai lura da cewa makarantu ba direbobin cutar ba ne, The Punch ta ruwaito.

UNICEF ta kuma yi gargadin cewa sakamakon rufe makaranta har shekara guda za a ji shi har zuwa tsara mai zuwa.

A wata sanarwa da hukumar ta fitar a ranar Talata ta ci gaba da cewa duk da kwararan shaidu da ke nuna cewa makarantu ba direbobi ne na cutar ba, an dauki matakai don tabbatar da cewa sun kasance a rufe.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Online view pixel