Yanzu-yanzu: An nada Nasiru Ado Bayero sabon sarkin Bichi

Yanzu-yanzu: An nada Nasiru Ado Bayero sabon sarkin Bichi

Gwamnatin jihar Kano karkashin jagorancin gwamna Abdullahi Umar Ganduje ta nada Nasiru Ado Bayero sabon sarkin masarautar Bichi.

Sakataren gwamnatin jihar, Usman Alhaji, ya sanar da hakan ne bayan alanta Sarkin Bichi, Aminu Ado Bayero, matsayin sabon sarkin Kano.

Nasiru kani ne ga Sarkin Kano, Aminu Ado Bayero.

Yanzu-yanzu: An nada Nasiru Ado Bayero sabon sarkin Bichi
Yanzu-yanzu: An nada Nasiru Ado Bayero sabon sarkin Bichi
Asali: Facebook

Mun kawo muku rahoton cewa gwamnatin jihar Kano ta tsige mai martaba sarkin Kano, Muhammadu Sanusi na biyu.

Hadimin gwamnan Kanon kan sabbin kafafen yada labarai, Salihu Tanko Yakassai, ya bayyana hakan ne ranar Litinin, 9 ga watan Maris, 2020.

Yace: "Majalisar zartarwar jihar Kano ta amince da tsige sarkin Kano, Malam Muhammadu Sanusi II."

Hakazalika, sakataren gwamnatin jihar, Usman Alhaji, ya saki jawabi kan dalilin da yasa gwamnatin jihar ta tunbuke sarkin Kano daga kujerarsa.

Ya ce an kwancewa Sanusi Lamido Sanusi rawani ne saboda yan zubar da mutunci da kuma ko oho da dokokin masarautar.

Baya ga haka, Usman Alhaji ya ce Sarkin ya daina halartan dukkan ganawa da gwamnatin jihar ta shirya ba tare da wani uzuri kwakkwara ba kuma hakan rashin biyayya ne ga gwamnati.

Yace: "Ya kamata a sani cewa a lokuta da dama, Malam Muhammadu Sanusi II ya kasance mai karya sashe na 3 na dokar masarautar kuma idan aka cigaba da zuba masa ido, zai lalata mutuncin masarautar."

"An tunbukeshi ne bayan ganawa da masu ruwa da tsaki a jihar"

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Online view pixel