Labarai

Gwamnatin Jigawa za ta kashe naira miliyan 60 wajen gina dakunan ‘ba haya’

Laraba, Disamba 11, 2019 at 8:10 Yamma

daga Mudathir Ishaq

2 - tsawon mintuna

Gwamnatin jahar Jigawa a karkashin jagorancin Gwamna Muhammad Abubakar Badaru ta amince da kashe naira miliyan 60 wajen gina da kunan wanka da ba-haya a wasu kananan hukumomin jahar guda uku, inji rahoton kamfanin dillancin labarun Najeriya.

Majiyar Legit.ng ta ruwaito kwamishinan ruwa na jahar Jigawa, Ibrahim Hannun-Giwa ne ya bayyana a ranar Laraba, 11 ga watan Disamba a garin Hadejia yayin ziyarar daya kai ma Sarkin Hadejia, Alhaji Adamu Abubakar-Maje.

KU KARANTA: Jiragen yakin Najeriya sun yi ma yan Boko Haram luguden wuta, sun konasu kurmus

Kwamishina Hannun-Giwa yace gwamnati za ta gina bandakunan ne a tashoshin motoci, kasuwanni, asibitoci, da sauraren amfanin jama’a a kananan hukumomin Auyo, Gagarawa da Kiyawa.

Kwamishinan ya kara da cewa manufar samar da wadannan dakunan ba haya shi ne domin kawo karshen yin ba haya a bainar jama’a da ake yawan yi a wadannan kananan hukumomi guda uku.

Wakilin kwamishinan a yayin wannan ziyarar, kuma babban sakatare a ma’aikatar, Nasiru Mahmud, ya yi kira ga mai martaba Sarkin Hadejia da ya gargadi jama’asa daga yin ba haya a bainar jama’a, tare da nuna musu hadduran dake tattare da haka, da suka hada da wanzan da cututtuka a tsakanin al’umma.

A nasa jawabin, Sarkin Hadejia, ta bakin wakilinsa, Galadiman Hadejia, Alhaji Usman Abdulazeez, ya tabbatar ma kwamishinan cewa masarautar Hadejia a shirye take ta bayar da gudunmuwa da goyon baya ga kawo karshen yin ba haya a bainar jama’a a jahar gabaki daya.

Sa’annan ya yi alkawarin sanar da sauran hakiman masarautar da dakatai domin su dabbaka wannan umarni. Daga karshe shugaban karamar hukumar Auyo, Uma Musa-Kalgwai yay aba ma kokarin gwamnatin na kawo karshen ba haya a bainar jama’a.

Ku biyo mu a https://facebook.com/legitnghausa

ko a http://twitter.com/legitnghausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Jigawa