Pantami ya taka wa MTN birki bayan sun bullo da sabon tsarin sakuce wa jama'a kudi

Pantami ya taka wa MTN birki bayan sun bullo da sabon tsarin sakuce wa jama'a kudi

Ma'aikatar sadarwa ta tarayya ta ce an ja hankalinta a kan wani sako da kamfanin sadarwa na MTN ke tura wa kwastomominsa a kan cewa zai fara cire naira hudu (N4:00) daga asusun duk wanda ya sayi katin waya na kamfanin daga asusunsa na banki.

Jama'a sun wayi gari da samun sako a wayoyinsu na hannu a kan wannan sabon tsari da kamfanin sadarwa na MTN ke shirin fara aiki da shi daga ranar Litinin, 21 ga watan Oktoba, 2019.

Ofishin minstan sadarwa, Dakta Isa Ali Pantami, ne ya ankarar da ma'aikatar sadarwa a kan wannan sabon tsari da MTN ke shirin kaddamar wa bayan jama'a sun mika kukansu gare shi a dandalin sada zumunta na Tuwita a ranar Lahadi.

Pantami ya ce bashi da masaniya a kan sabon tsarin da kamfanin sadarwa na MTN ya bullo da shi, a saboda haka ne ya umarci hukumar kula da kamfanonin sadarwa da ke Najeriya (NCC) da ta tabbatar cewa MTN ta dakatar da wannan sabon tsari da ta bullo da shi kuma take shirin kaddamar wa a ranar Litinin.

DUBA WANNAN: APC ta nada gwamnoni biyu daga arewa su jagoranci yakin neman zabe a Kogi da Bayelsa

Da yake jinjina wa Pantami a kan daukan mataki a kan lokaci, Joe Abba, tsohon hadimi a gwamnatin Buhari, ya ce yanzu haka kamfanin sadarwa na MTN ya dakatar da sabon tsarin sakamakon umarnin da Pantami ya bayar.

Jama'a na yawan korafi a kan yadda kamfanonin sadar wa a Najeriya ke bullo da tsare-tsare masu suna daban-daban domin raba su da 'yan sulallansu na yin kira a waya.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Mailfire view pixel