Dandalin Kannywood: Na fiso na fito a matsayin fitsararriya a film - Maryam Yahaya
- Fitacciyar jarumar fina-finan Hausa, Maryam Yahaya ta bayyana bangaren da ta fi so a dinga sanyata a fim
- Jarumar ta ce tafi so a dinga sanyata a matsayin fitsararriya a fim
- Amma ta ce a gaske ita ba fitsararriya bace, kawai tana son fitowa a wannan fannin ne saboda taga masoyanta suna son ganin tana taka rawa a fannin
Fitacciyar jarumar fina-finan Hausa na Kannywood, Maryam Yahaya ta bayyana wani sirri da tafi so a masana'antar, inda ta ce tafi so taga an bata bangaren da zata fito a matsayin fitsararriya a film.
Maryam Yahaya ta bayyana hakanne a lokacin da take tattaunawa da wakilan tashar Freedom Radio na jihar Kano, a cikin shirin Taurarunmu da suke gabatarwa ranar Alhamis.
Sai dai kuma jarumar ta bayyana cewa a zahiri ita ba fitsararriya bace, ta ce tana son wannan fannin ne, saboda yadda ta fahimci cewa masoyanta suna son ganin tana taka rawa a irin wannan bangaren.
KU KARANTA: Jin dadi na inda yake: An ba wa wata jaririya kyautar tikitin jirgi na tsawon shekara 25, saboda an haifeta a cikin jirgi
A hirar da aka yi da jarumar a cikin shirin, Maryam ta tattauna batutuwa da yawan gaske, musamman irin rawar da ta taka a cikin shirin fim din SARINA.
A karshe jarumar ta yiwa masoyanta addu'ar fatan alkhairi, inda ta bayyana musuc cewar suna nan a ranta a koda yaushe.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
