Hukumar NDLEA ta yi nasarar kama miyagun kwayoyi da suka kai kilo 9, 607.72 a Kano
Hukumar yaki da sha da fataucin miyagun kwayoyi, NDLEA, ta sanar da kama tarin wasu dimbin miyagun kwayoyi da suka kai yawan kilon dub tara da dari shida da bakwai, kamar yadda ta bayyana a ranar Alhamis 6 ga watan Disamba.
Majiyar Legit.com ta ruwaito hukumar NDLEA ta bayyana cewa sun kama miyagun kwayoyin ne daga watan Janairun bana zuwa watan Nuwamba, kamar yadda kwamandan hukumar, Ibrahim Abdul ya bayyana.
KU KARANTA; Malaman da El-Rufai ya fatattaka sun tabbatar da goyon bayansu ga Shehu Sani
A cewar kwamanda Abdul, sun kama tabar wiwi na kilo dubu daya da dari shida da casa’in da bakwai (1,697), giram ashirin da bakwai (27.7) na hodar iblis, giram 10 na heron, kilo dubu daya da dari bakwai sittin (1,760.08) na kodin.
Sauran sun hada da kilo dubu biyar da dari takwas da tamanin da shida (5,886.45) na kwayar diazepam, kilo dari da arba’in da tara (149.45) na kwayar Pentazocine, sai kilo dari uku da arba’in da uku (343.7) na kwayar Rephynol.
“Baya ga kamen da mukayi, Kotu ta yanke ma mutane casa’in da biyu (92) hukunci daban daban bayan ta kamasu da laifin safarar miyagun kwayoyi daga watan Janairu zuwa watan Nuwamba, haka zalika akwai shariu da hamsin da biyar (55) a gaban kotuna daban daban.” Inji shi.
Haka zalika Abdul ya bayyana cewa sun kama mutane dari biyar da guda biyu (502), daga cikinsu akwai maza dari hudu da casa’in da bakwai (497), sai kuma mata guda biyar (5).
Daga karshe kwamanda Abdul ya yaba da kokarin gwamnati, sa’annan ya yi kira ga iyaye, malamai, sarakunan gargajiya da suaran masu ruwa da tsaki a cikin al’umma dasu cigaba da baiwa hukumar goyon bayan daya dace don ganin sun kawo karshe shaye shaye a tsakanin al’umma.
Ku biyo mu a https://facebook.com/legitnghausa
ko a http://twitter.com/legitcomhausa
KU LATSA: Hanyar sauko da sabuwar manhajar jaridar Legit.com Hausa cikin sauki
Ga masu shawara ko korafi, a same mu a labaranhausa@corp.legit.com
Sanarwa na musamman: Shafin NAIJ Hausa ya koma Legit Hausa
Asali: Legit.ng
