Kada ku mika kasar da damokradiyya ga barayi da yan iska – Obasanjo ya gargadi yan Najeriya
- Tsohon shugaban kasar Najeriya, Olusegun Obasanjo ya bukaci yan Najeriya da su tabbatar da cewa ba su muka kasar da damokradiyya ga wadanda ya kira da suna barayi da yan iska ba
- Ya yi gargadin ne a lokacin da ya shugabanci taron kaddamar da littafin Goodluck Jonathan, ‘My Transition Hours,’ a Abuja a ranar Talata, 20 ga watan Nuwamba
- Obasanjo ya ce idan aka mika damokradiyar kasar ga mutanen da suka fada a wannan rukuni, za su iya amfani da hakan a matsayin makamin yakar mutane
Tsohon shugaban kasar Najeriya, Olusegun Obasanjo wanda ya shugabanci taron kaddamar da littafin Goodluck Jonathan, ‘My Transition Hours,’ a Abuja a ranar Talata, 20 ga watan Nuwamba ya bukaci yan Najeriya da su tabbatar da cewa ba su muka kasar da damokradiyya ga wadanda ya kira da suna barayi da yan iska ba.
Legit.ng ta tattaro cewa Obasanjo ya ce idan aka mika damokradiyar kasar ga mutanen da suka fada a wannan rukuni, za su iya amfani da hakan a matsayin makamin yakar mutane.
Asali: UGC
Obasanjo ya tuna cewa a wani jawabi da wani dan damokradiya yayi ya ce ya fi son zama a Najeriya saboda idan abubuwa suka durkushe da safe, toh abubuwa za su lafa zuwa yamma.
“Don haka mu ci gaba da lafar da Najeriya,” inji shi.
KU KARANTA KUMA: Kada ku ba Buhari damar yin tazarce – Udeogaranya ga yan Najeriya
Obasanjo ya taya Jonathan murnar tafiyar da ritayarsa cikin kwanciyar hankali, inda ya kara da cewa wannan rayuwa da tsohon shugaban kasar ke gudanarwa ta jin dadi shine abunda kowa ke buri, inda ya bayyana hakan a matsayin ci gaba mai kyau.
Yace tsohon shugaban kasar na da wani hakki da ya rataya a wuyansa na ci gaba da yiwa al’umma da Ubangiji hidima.
Muhimmiyar sanarwa: Shafin NAIJ.com Hausa ya koma Legit.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=ng.legit.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
