Yanzu Yanzu: Shugaba Buhari ya isa jihar Lagas
- Shugaba Muhammadu Buhari ya isa jihar Lagas da safiyar yau Talata
- Zai halarci taron kaddamar da iyakar ECOWAS a Seme
- Buhari zai hade da takwaransa na jumhuriyar Benin a wajen taron
Shugaban kasa Muhammadu Buhari ya isa jihar Lagas domin taron kaddamar da iyakar ECOWAS a Seme.
Shugaban kasar wanda ya isa jihar a safiyar ranar Talata, 23 ga watan Oktoba zai halarci karramar da rundunar sojin Najeriya, sojin ruwa da sojin sama suka shirya masa kafin ya dangana ga Seme Border.
Shugaban kasar da takwaransa na jumhuriyar Benin, Patrice Talon za su gabatar da mika sabon iyakar ta kasashen Afrika (ECOWAS) a Seme-Krake da Neope-Akanu a Badagry.
KU KARANTA KUMA: Yanzu Yanzu: Boko haram sun kai hari wani kauye kusa da Chibok sun kashe mutane 2
An tsaurara matakan tsaro a yankunan jihar daban-daban, wanda suka hada da jami’an yan sanda, sojin sama, kwastam, hukumar shige da fice da kuma yan sandan farin kaya.
Idan ka na da wata shawara ko bukatar ba mu labari, a tuntube mu a labaranhausa@corp.naij.com
Ku same mu a https://www.facebook.com/legitnghausa
Ko a http://twitter.com/legitnghausa
Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa&hl=en
Asali: Legit.ng