Nigerian news All categories All tags
Rayuwana da na iyalina na cikin hatsari - Atiku

Rayuwana da na iyalina na cikin hatsari - Atiku

Tsohon mataimakin shugaban kasa, Atiku Abubakar, ya nemi dauki akan zargin cewa rayuwarsa da na iyalinsa na cikin hatsari.

A wani wasika da ya aikewa Shugaban Kasa Muhammadu Buhari, mai kwanan wata 7 ga watan Satumba, 2018, Atiku ya alakanta zargin barazanar ga kudirinsa na takarar kujeran shugaban kasa a zaben 2019 karkashin jam’iyyar People’s Democratic Party (PDP).

An tura kwafin wasikar ga shugaban jam’iyyar PDP na kasa, Prince Uche Secondus, ya bukaci Shugaba Buhari da yayi gaggawan bincikar zargin.

Ya bayar da lambar mai yi masu barazanar a matsayin 08148228704.

Rayuwana da na iyalina na cikin hatsari - Atiku

Rayuwana da na iyalina na cikin hatsari - Atiku

Atiku ya bukaci shugaba Buhari da ya bashi Karin yan sanda da zasu bashi kariya tare da iyalinsa.

Atiku ya bayyana cewa matarsa da ýarsa sun samu wasikar waya daban-daban daga wani lambar waya, inda aka bukaci ya daina takaran kujerar shugaban kasa, cewa idan yaki za’a yi masu fyade tare da kashe su.

KU KARANTA KUMA: Yanzu Yanzu: Shugaba Buhari ya nada sabon shugaban DSS yan makonni bayan dakatar da Daura

Tsohon mataimakin shugaban kasar ya kara da cewa marubucin wasikun barazanan ya bayyana cewa suna lura da duk wani motsi na iyalan nasa.

Ya bukaci Shugaban kasa da ya binciki lamarin domin idan har aka aikata hakan yana iya zama babban kalubale ga tsaron kasar.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Source: Hausa.legit.ng

Tags:
Mailfire view pixel