Siyasa

Zan warewa harkar ilmi kashi 21% cikin kasafin kudin Najeriya idan na zama Shugaban kasa inji Atiku

Lahadi, Agusta 05, 2018 at 9:13 Safiya daga Muhammad Malumfashi 2 - tsawon mintuna

- Atiku Abubakar zai fito takara a zabe mai zuwa a karkashin PDP

- ‘Dan siyasar ya bayyana yadda zai gyara ilmi idan ya hau mulki

- Najeriya dai tana cikin ci-ma-baya a wajen harkar ilmi a Duniya

Tsohon Mataimakin Shugaban kasar nan Atiku Abubakar wanda ya ke kuma neman takara a 2019 yayi wa ‘Yan Najeriya babban alkawari game da harkar ilmin da ya tabarbare idan aka zabe sa a PDP.

Zan warewa harkar ilmi kashi 21% cikin kasafin kudin Najeriya idan na zama Shugaban kasa inji Atiku — Tsohon Mataimakin Shugaban Kasa ya sha alwashin habaka harkar ilmi

Atiku Abubakar wanda yake sa ran karbe mulki daga hannun Shugaba Buhari yace idan har yayi nasara a 2019, zai warewa harkar ilmi kashi 21% na kasafin kudin kasar. Hakan dai har ya haura tsarin Majalisar Dinkin Duniya watau UN.

KU KARANTA: Da in bar PDP gara in bar siyasa a Kasar nan - Makarfi

Wazirin na Adamawa yace akwai abin koyi kwarai daga tunbatsar da Kamfanin Apple yayi a Duniya. Majalisar Dinkin Duniya tana kokarin ganin Kasashen Afrika sun inganta harkar ilmi wanda yake koma baya kwarai a kasashen.

Atiku wanda yake neman mulkin Kasar a PDP ya nemi jama’a su zabe sa domin gyara matakin ilmi. Har yanzu dai Gwamnatin Najeriya ba ta kashe abin da ya kamata wajen habaka ilmi da kuma kiwon lafiyar jama’a a Kasar nan.

Atiku Abubakar ya bayyana wannan ne ta bakin ofishin yakin neman zaben sa. Atiku yayi wannan jawabi ne bayan Kamfanin nan na Apple na Amurka ya ba Dala Tiriliyan 1 baya inda yace sanin darajar ilmi ya kai ga haka.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng