Gambiya ta sanya motoci da jirgin saman tsohon Shugaban Kasar Jammeh a kasuwa

Gwamnatin kasar Gambiya ta sanar da yin gwanjon mota da jirgin sama mallakar tsohon Shugabanta Yahya Jammeh.

A yanzu mota da jirgin na kasuwa ga duk wanda ke bukatan ya saya.

Ministan Kudi na kasar ya bayyana cewa, an sanya motocin wadanda suka hada da samfurin Hummer Rolls Joyce a kasuwa.

Ministan ya kara da cewa, baya ga motocin akwai jirgin sama karami na musamman mallakar Jammeh wanda shi ma an sanya shi a kasuwa ga duk mai bukata.

An bayyana cewa, anyiwa motocin lamba da sunan Jammeh, matarsa da ‘ya’yansa.

KU KARANTA KUMA: El-Rufai ya jawowa tsinannun Sanatoci ayoyin Al-Kur'ani

Jammeh dai ya mallaki manyan motoci tsadaddu sama da 10.

Asusun Bayar da Lamuni na Duniya IMF dai ya bayyana cewa, tattalin arzikin Gambiya ya fara farfadowa amma kuma ana bin kasar basuka da yawa.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng