Dalilin da yasa na zama Furodusa - Jaruma Umma Shehu

Lahadi, Disamba 24, 2017 at 1:18 Yamma daga Mudathir Ishaq 2 - tsawon mintuna

- Shahararriyar jarumar wasan Hausa Umma Shehu ta fara shirya fim nata na kanta

- Ummah ta ce shirya fim ne babban burinta a rayuwa

- Ta ce shirinta na farko, 'Burin So' yana daf da fitowa kasuwa

Shahararriyar jarumar wasan Hausa da tauraruwar ta ke haskawa a masana'antar shirya fina-finai ta Kannywood, Umma Shehu, ta zama Furodusa.

A wata tattaunawa da jarumar ta yi da gidan jaridar Premium Times sashen Hausa, ta bayyana cewar shirya fim ne babban burinta a rayuwa duk da ta fara fitowa a matsayin jaruma ne.

Dalilin da yasa na zama Furodusa - Jaruma Umma Shehu — Jaruma Umma Shehu

"Wasan kwaikwayon dana fara shiryawa shi ne 'Burin So' kuma na saka masa wannan suna ne domin yin nuni da halin da duk masoya ke fadawa na son su auri junansu amma sai kaga wasu basu dacewa da samun cikar burin soyayyar su. Fim din nawa zai fito kasuwa a watan gobe ko na jibi inshaAllah." A kalaman jaruma Umma.

DUBA WANNAN: Rahama Sadau ta tsallake rijiya da baya

Umma ta kara da cewa "Na kashe miliyoyin kudi wajen shirya fim din kuma duk kudin dana kashe basu fi karfina ba kuma koda ban samu riba ba, ba zan damu ba domin shine shirina na farko. Na tabbatar da fim din zai kayatar da masu kallo."

Da aka tambayi jarumar game da wata hira da ta yi da gidan talabijin na Arewa 24 da ta jawo cece-kuce ta ce bata son yin magana a kan batun. "Bana son in yi wannan magana."

"Mutane sun yi kalamai marasa dadi a kaina bayan yin wannan hirar. Tambayace aka yi min cikin raha kuma na amsa cikin raha, hakan ba yana nufin bani da ilimi ba ne, na san me nake yi a addinan ce, inada ilimin addini bakin gwargwado. Allah ya kara mana imani da albarka gaba daya". A kalaman Jaruma Umma.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Fittaciyar Jarumar Kannywood Jarumar Fim