Labarai

Babbar matsalar masana'antar shirya fina-finai ta kannywood - Farfesa Abdallah Uba Adamu

Laraba, Oktoba 04, 2017 at 12:45 Yamma daga Mudathir Ishaq 2 - tsawon mintuna

- Matsalar masana'antar shirya fina-finai ta kannywood ita ce maimaita tsirarun jarumai cikin fina-finai

- Ya ce wannan halayya ta masu shirya fina-finan hausa ta sabawa tsarin shirya fina-finai na kasashen da suka ci gaba

- Masu shirya fina-finan musamman fardusoshi na da ra'ayin cewa ba kasafai fina-finai suke yin kasuwa ba idan masu kallo suka ga sabuwar fuska a cikin shirin

Wani farfesa mai koyar da darasin tsara fina-finan hausa a jami'ar Bayero dake Kano ya ce babbar matsalar masana'antar shirya fina-finai ta kannywood ita ce maimaita tsirarun jarumai cikin fina-finai. Farfesan ya ce matukar ba a bawa sabbin jarumai damar gwada basiararsu, ta yaya suma zasu shahara.

Babbar matsalar masana'antar shirya fina-finai ta kannywood-Farfesa Abdallah Uba Adamu

Farfesa Abdallah ya ce wannan halayya ta masu shirya fina-finan hausa ta sabawa tsarin shirya fina-finai na kasashen da suka ci gaba. Ya kara da cewa mai yiwuwa dalilin da yasa tsirarun jaruman mamaye harkar shi ne akasari su ne ke shirya fina-finan da kansu.

DUBA WANNAN: An kori wasu sojoji 38 daga aiki

Masu shirya fina-finan musamman fardusoshi na da ra'ayin cewa ba kasafai fina-finai suke yin kasuwa ba idan masu kallo suka ga sabuwar fuska a cikin shirin.

Farfesa Abdallah wanda yanzu shi ne shugaban jami'ar karatu daga gida ta Najeriya ya ce jami'ar sa tana kokarin fara wani kwas a kan harkar shirya fina-finai domin bunkasa ilimin fannin shirin wasan Hausa.

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Dandalin Kannywood