Kada Ka Gwada A Najeriya: Akwatin Kaya Na Bature Yana Biye Da Shi Yayin Da Yake Tafe

• Wani Bature ya haddasa cece-kuce bayan an gano shi a wani filin jirgin sama yana tafiya tare da akwatin kayansa wanda ke tuka kansa
• A cikin wani bidiyo da ya yadu, an gano akwatin kayan na tafiya da kansa kuma hakan ya baiwa mutanen da suka kalli bidiyon a TikTok mamaki
• Sai dai kuma, hakan bai burge wasu ba inda suka ce za a iya sace jakan va tare da sanin mai shi ba

An hasko wani bature a bidiyo yana baje kolin akwatin tafiyarsa wanda ke tuka kansa da kansa.

A cikin bidiyon wanda ya yadu, an gano shi yana tafiya a wani filin jirgin sama yayin da akwatin kayan nasa ke biye da shi a baya.

Babu wanda ke tura akwatin. Shi da kansa yake tuka kansa kuma hakan ya baiwa mutane da dama da suka ga bidiyon mamaki.

Kara karanta wannan

Soyayya Ruwan Zuma Dadi: Bidiyon Bature da Masoyiyarsa Bakar Fata Sune Holewa A Bakin Hanya

Koda dai abun ya kayatar sosai kuma ya saukaka wahala, mutane da dama sun soki akwatin sannan sun lissafa aibun shi.

Wata matashiya mai suna @chuka_jim a TikTok ta bayyana cewa ana iya sace akwatin ba tare da mai shi ya sani ba tunda kawai tafiya yake a bayansa.

Masu amfani da TikTok sun bayyana ra’ayoyinsu

@onecooljk ya ce:

“Kawai..sai batirin yak are..kuma sai gane cewa ya rasa jakarsa kimanin mintuna 30 suka shiga.”

@itsjustastory ya rubuta:

"Wasu jiragen ba za su yarda da su a jirgin ba don haka ku lura idan kun mallaki daya."

@crazypugguy ya ce:

"Diyata na amfani da keken guragu kuma wannan zai taimaka sosai wajen tafiya ba tare."

@amanwithdreams ta yi martani:

"Na tabbata ba za ka iya yin hakan a kasata ba. Za su sace shi cikin sakonni kada."

Kara karanta wannan

Bidiyo: Hazikin Yaro Mai Shekaru 3 Yana Kacaccala Lissafi Ya Birge Jama'a

@redflower096 ta ce:

"Yana da kyau a irin wadannan kasashen amma wasu kasashen za ka juya ka nemi akwaitin ka rasa."

Kalli bidiyon a kasa:

“Saboda Zafin Rana, Turawa Sun Gudu”: Dan Najeriya Ya Nuna Yadda Tituna Suka Zama Wayam A Turai

A wani labarin, wani dan Najeriya mazaunin Ingila ya je shafin soshiyal midiya don nuna wani bidiyonsa yana tafiya shi kadai a titi.

Mutumin wanda ke alfahari da kansa ya ce titunan sun zama wayam ne saboda duk Turawa sun gudu saboda tsoron zafin rana.

Da yake magana a cikin harshen Igbo, mutumin wanda ke amfani da shafin TikTok ya ce shawarar da gwamnatin Ingila ta baiwa al’ummar kasar shine ya sa unguwanni da tituna suka yi wayam.

Asali: Legit.ng