Wata Mata Ta Fadi Yadda Ta Samu Juna Biyu Daga Neman Mijinta Ya Mata Tausa, Bidiyon Ya Yadu

• Budurwa 'yar Najeriya ta bayyana yadda ta samu juna biyu ba ta shirya daukar cikin ba nan kusa
• Budurwar mai suna Adebola ta wallafa faifan bidiyon a TikTok inda ta ce daga neman a matsa mata jiki shikenan ta ganta da juna biyu
• Mutane da dama sun yi martani inda su ke shawartarta da sake neman a matsa mata jiki nan gaba

Wata budurwa ta wallafa wani faifan bidiyo inda ta bayyana yadda ta samu juna biyu bayan mijinta ya taba ta.

Budurwar mai suna Adebola ta ce ta nemi mijin ya matsa mata jiki ne kawai, kafin ta ankara sai gata da juna biyu, Legit ta tattaro.

Ta ce ta yaya mutum zai nemi a matsa masa jiki amma a karshe ya dawo mai juna biyu wanda ko kadan ta ce ba ta shirya daukar cikin ba a yanzu.

Kara karanta wannan

Wata Mai Bukata Ta Musamman Ta Haifi Santalelen Yaro, Ta Nunawa Duniya Shi a Bidiyo

A cikin bidiyon, ta nuna kyakkyawar jaririyar da ta haifa mai suna Aila da kuma takardan gwajin cikin a wancan lokaci.

Ku kalli bidiyon a kasa:

Ta ce ta shiga shafin TikTok ne don bayyana yadda ta samu ciki kamar yadda kowa ke bayyana ra'ayinsu ta yadda su ka samu mazajen aure da sauransu.

Mutane sun yi martani inda su ke ba ta shawari ta sake neman a matsa mata jiki.

Martanin mutane kan bidiyon na budurwar:

@Eme Henshaw:

"Kun ci nasara."

@cassie:

"Mafi yawanci wannan matsa jikin na zuwa da karshe mai dadi."

@yuhjaybeautyville:

"Kan dan karamin tausa, kun ci wannan kalubale."

@Opeyemi:

"Ahh Mama, wannan shi ne karshen labarin? Ya yi kyau sosai."

@Zola:

"Don haka ki sake neman a miki tausa, kin gane."

@Olanshile: a

Kara karanta wannan

“’Ya’ya Maza Nake Haifa Ba Mata Ba”: Matar Aure Ta Yi Tinkaho a Bidiyo Yayin da Ta Je Ganin Filayen Mijinta

"Daga karamin tausa, ka mai da shi yaki, babu wanda zai amince ka matsa masa jiki, ki kara neman tausa jinjirar ta samu kanwa."

Jami'ar soja ta dauki juna biyu, ta nuna katon cikinta

A wani labarin, wata jami'ar soja mai dauke da juna biyu ta nuna katon cikinta a wani faifan bidiyo inda ta ke tika rawa a gaban jama'a ba kunya.

Matar mai suna Kaxandre ta kuma nuna wa jama'a yadda ta kware ta fannin iya rawa da tsalle-tsalle.

Asali: Legit.ng