Nahiyar Turai Ta Shiga Wani Irin Yanayi, Zanga Zanga Ta Ɓarke a Ƙasashe da Yawa
- Zanga-zangar da ake yi a Faransa, Sifaniya da wasu ƙasashen Turai na ci gaba sakamakon tsadar rayuwa
- A Faransa, an kama mutane sama da 2,400, yayin da 'yan sandan Portugal suka kama wasu mutane 55 a birnin Lisbon saboda zanga-zangar
- 'Yan siyasar masu ra'ayin dama na amfani da rikicin wajen neman goyon bayan jama'a, gabanin zaɓen shugaban Faransa da za a gudanar a Afrilun 2027
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.
Paris, France - Zanga-zanga na ci gaba a Faransa, Sifaniya da sauran sassan Nahiyar Turai.
Majiyoyi sun ce zanga-zangar na neman a ɗauki mataki kan tsadar rayuwa, ƙarancin albashi, ƙarancin ingancin ilimi da cin hanci da rashawa.
Source: UGC
Daga Faransa zuwa Portugal, Albaniya da Italiya, ana ci gaba da fuskantar rikice-rikicen zamantakewa, cewar
Zanga-zanga ta barke a Turai
Zanga-zangar ta kasance tare da sace-sace, raunata mutane da arangama tsakanin 'yan sanda da masu tayar da hankali.
A Sifaniya da Portugal, masu zanga-zangar sun kafa sansanonin tantuna domin nuna rashin amincewa da tsadar gidaje, yayin da matasan Turai ke fuskantar rashin tabbas game da makomarsu.
Rikicin na faruwa ne a daidai lokacin da jam'iyyun masu tsattsauran ra'ayin dama ke samun karɓuwa a wajen jama'a tare da samun gagarumar nasara a zaɓe.
Haka kuma, Turai na fuskantar wani muhimmin lokaci dangane da tallafin da take bai wa Ukraine, yayin da Shugaban Amurka, Donald Trump, ke ƙoƙarin kulla dangantaka da Shugaban Rasha, Vladimir Putin.
A Faransa, zanga-zangar na faruwa ne gabanin zaɓen shugaban ƙasar da aka tsara gudanarwa a watan Afrilun 2027.
'Yan siyasar masu ra'ayin dama na amfani da wannan rudani a matsayin damar cimma burinsu, cewar Premium Times.
Source: Getty Images
Tasirin da zanga-zangar ke yi
Masana sun bayyana cewa haɗuwar zanga-zangar tituna mai tsanani, tashin farashin makamashi da raunin shugabancin masu ra'ayin tsakiya na samar da kyakkyawan yanayi ga kamfen ɗin siyasar masu adawa da tsarin mulki.
A farkon makon nan, Marine Le Pen, shugabar jam'iyyar National Rally mai tsattsauran ra'ayin dama, ta danganta sace-sace da lalata dukiyoyin da suka biyo bayan zanga-zangar da abin da ta kira “shekaru da dama na shige da fice” zuwa Faransa.
Ta gabatar da jam'iyyarta a matsayin wadda za ta iya dawo da zaman lafiya da doka, tare da bayyana cewa shugabancin Shugaba Emmanuel Macron ba shi da wata “sahihiyar ƙima ko iko” a yanzu.
A sakamakon zaɓen ra'ayin jama'a na baya-bayan nan, Le Pen na kan gaba sosai, kuma ana ganin tana da damar zama shugabar Faransa ta gaba.
A gefe guda kuma, hukumomin Faransa sun bayyana cewa sun kama mutane sama da 2,400 a faɗin ƙasar.
Ɗalibai sun yi zanga-zanga a Faransa
A baya, an ji cewa dubban dalibai sun gudanar da zanga-zanga a sassa daban-daban na Faransa, inda rikici ya barke tsakaninsu da ’yan sandan kwantar da tarzoma.
Zanga-zangar ta haddasa katse karatu a makarantu sama da 700, yayin da aka kona shara tare da kai hare-hare kan jami’an tsaro da kadarorin makarantu.
Hukumomin Faransa sun ce an kama mutane 1,747 a ranar Juma’a, yayin da aka samu raunuka da barna a makarantu da dama a fadin kasar.
Asali: Legit.ng
