Wata sabuwa: Annobar da ta lashe rayuka 200m a karni na 13 ta dawo a kasar China (Hotuna)

Wata sabuwa: Annobar da ta lashe rayuka 200m a karni na 13 ta dawo a kasar China (Hotuna)

- Kasar China ta sanar da barkewar wata annobar da tafi cutar Coronavirus illa

- Cutar tana kashe mutum ne da zarar ta kamashi, kuma kwana daya takeyi ta kashe mutum

- Wani yaro mai shekaru 3 da haihuwa, ya kamu da cuta da ake kira 'Black Death' a China

Likitoci sun tabbatar da barkewar mummunar cutar, dake kashe mutum cikin kankanin lokaci.

Wani yaro mai shekaru 3 da haihuwa ya kamu da mummunar cutar, wanda yanzu haka yana asibiti likitoci na kokarin ceto rayuwarsa. Yaron, dan wani kauye ne mai suna Menghai dake Yunnan.

An tabbatar da yaron ya kamu da cutar mai kisan farat daya ranar Litinin, kamar yadda Chinese State Media ta sanar.

Annobar mai suna "Bubonic Plaugue" wata kwayar cuta ce wacce kwarin da ke zama inda beraye suke, suke yada wa. Tana kisa cikin kwana daya idan ba'a yi gaggawar kula ba.

Gwamnatin China ta fara zabura wurin bada taimakon gaggawa gudun kada wata cutar ta barke kamar yadda Cutar Covid-19 tayi.

An gano sabon al'amarin, tun bayan an tsinci wasu matattun beraye 3 da ke dauke da cutar a kauyen Menghai dake China.

Kamar yadda WHO ta bayyana, an taba samun barkewar irin wannan cutar ta 'Black Death' a karni na 14, inda har tayi sanadiyyar kashe mutane miliyan 200.

KU KARANTA: Rikicin APC a Ekiti: El-Rufai, Wase da Okorocha sun jagoranci kwamitin sulhu

Wata sabuwa: Annobar da ta lashe rayuka 200m a karni na 13 ta dawo a kasar China (Hotuna)

Wata sabuwa: Annobar da ta lashe rayuka 200m a karni na 13 ta dawo a kasar China (Hotuna). Hoto daga Wikipedia
Source: UGC

A wata kasa dake makwabtaka da China, mai suna Mongolia, an samu mutane 22 da ake zargin sun kamu da cutar, inda aka tabbatar da mutuwar mutum 6.

An samu labarin wata mata mai shekaru 25 da aka kwantar a asibiti bayan ta ci wani bera mai dauke da cutar.

Farkon wannan watan, wani mutum mai shekaru 38 da haihuwa a Khovsgol ya kamu da cutar.

Kamar yadda aka gano, a karni na 13, 'Black Death' ta taba barkewa a nahiyar Turai da Asiya, inda har mutane miliyan 20 suka rasu. Hakan yayi sanadiyyar kashe 1/3 na yawan mutanen nahiyoyin tsakanin 1347-1352.

KU KARANTA: Durkusawar budurwa a gaban saurayi don karbar tayin aure ya janye cece-kuce

Wata sabuwa: Annobar da ta lashe rayuka 200m a karni na 13 ta dawo a kasar China (Hotuna)

Wata sabuwa: Annobar da ta lashe rayuka 200m a karni na 13 ta dawo a kasar China (Hotuna). Hoto daga CBSNews
Source: UGC

A wani labari na daban, Sarkin Kuwait mai shekaru 91 da haihuwa, Sarki Sabah Al-Ahmad Al-Sabah ya rasu ranar Talata a wani asibiti a Amurika.

"Muna bakin cikin sanar da mutuwar Sheikh Sabah Al-Ahmad Al-jaber Al-Sabah, sarkin Kuwait," inji Sheikh Ali Jarrah Al-Sabah, ministan yada labaran kasar.

An haifi Sheikh Sabah a shekarar 1929, ya rike kujerar ministan harkokin kasashen waje na tsawon shekaru 40, tsakanin 1963 zuwa 2003 daganan ya zama shugaban kasa.

Ya zama sarkin Kuwait a watan Janairu, 2006 bayan rasuwar Sheikh Jabeer Al-Sabah.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Tags:
Online view pixel