APC ta dakatar da wani dan majalisar jihar Kebbi

APC ta dakatar da wani dan majalisar jihar Kebbi

Kwamitin zartarwa na jam’iyyar APC reshen jihar Kebbi ya dakatar da Alhaji Habubu Gwandu wanda yake mamba ne a majalisar dokokin jihar Kebbi, bisa zarginsa da laifin yiwa jam’iyya zamba.

Kakakin jam’iyyar APC na jihar Kebbi, Alhaji Sani Dododo ne ya bayar da wannan sanarwa a cikin wata tattaunawa da yayi da manema labarai ranar Talata 17 ga Satumba a Birnin Kebbi.

KU KARANTA:Najeriya ta samu cigaba a bangaren noma – Bagudu

Sani ya ce: “Kwamitin zartarwar jam’iyyarmu a ranar 16 ga watan Satumba ya aminta da dakatar dakatar da Alhaji Habubu Gwamndu daga APC a dalilin zarginsa da laifin zamba. Mun kafa kwamiti domin soma bincike a kan gaskiyar wannan al’amari.”

Dododo ya kara da cewa, Gwandu ya kasancewa yana halartar ganawa da jam’iyyun adawa a Sokoto da kuma Birnin Kebbi lokuta daban-daban.

“Wannan dakatarwar ta sa na nufin ba zai sake yin wani abu na jam’iyyar APC bat un kuwa daga matakin shiyya, karamar hukuma har zuwa jihad a kasa baki daya.” Inji Sani.

A wani labari makamancin wannan, za ku ji cewa, Gwamna Atiku Bagudu na jihar Kebbi ya bayyana irin nasarorin da Najeriya ke samu a bangaren noma.

Gwamnan ya fadi wannan maganar ne ranar Litinin a Damaturu babban birnin jihar Yobe, yayin da ya halarci wani taro na musamman da gwamnatin jihar Yobe ta shirya dangane da harkokin noma.

A cewar Bagudu daga lokacin da Buhari ya zama shugaban Najeriya, noma ya dada bunkasa fiye da yadda abin yake a da. Yanzu Najeriya na iya ciyar da kanta abinda da can bamu iya yinsa, a cewar gwamnan.

https://thenationonlineng.net/apc-suspends-kebbi-lawmaker/amp/?__twitter_impression=true

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Online view pixel