Labarai

Gwamnan Taraba ya amince da hukuncin kisa ga masu garkuwa da mutane

Alhamis, Yuli 04, 2019 at 8:53 Yamma

daga Mudathir Ishaq

2 - tsawon mintuna

-Gwamna Darius Ishakyu ya rattafa hannu a dokar magance garkuwa da mutane wadda ta bayar da hukuncin kisa ga masu aikata laifin

-Hakan ya biyo bayan da majalisar jihar Taraba ta yi garanbawul ga dokar hana garkuwa da mutane

-Jihar Taraba na fama da yawan garkuwa da mutane a yan kwanakin nan

Sakamakon yawan garkuwa da mutane da ake yi a jihar Taraba da wasu jihohi a fadin Najeriya, gwamna Darius Ishaku ya rattafa hannu a dokar da majalisar jihar tayi wanda ta bayar da hukuncin kisa da kuma daurin rai da rai ga masu aikata garkuwa da mutane.

Mai taimakawa gwamnan akan harkokin yada labarai, Bala Dan Abu ne ya bayyana haka a wani jawabi da ya fitar ga manaima labarai.

Bayanin ya kara da cewa, kudirin dokar ya fito ne daga wajen kakakin majalisar jihar, Peter Abel Diah, kuma an tabbatar da kudirin ya zama doka bayan da sauran yan majalisun suka amince da shi.

KARANTA WANNAN: Shugaba Buhari zai kaddamar da gangamin hana bayan gida a fili

Jawabin yana cewa kamar haka ”A karkashin sabuwar dokar, duk wanda aka kama da laifin aikata garkuwa da mutane a jihar, to zai fuskanci hukunmci mafi tsanani.”

“Wannan dokar matakin gwamnati ne na magance matsalolin tsaro, musamman laifin garkuwa da mutane don karbar kudin fansa, wanda yanzu ya zama ruwan dare a jihar da wasu sassa a Najeriya.”

Legit.ng ta ruwaito cewa majalisar jihar ta Taraba, ta yi garanbawul ga dokar hana garkuwa da mutane ta shekarar 2010 inda yanzu ta bayar da hukuncin kisa da daurin rai da rai ga duk wanda aka kama yana aikata laifin.

Shugaban masu rinjaye na majalisar kuma dan majalisa mai wakiltar yankin Karim Lamido ne ya gabatar da kudirin, daga bisani kuma Alhaji Bashir Mohammed, shugaban marassa rinjaye ya mara mashi baya.

Ku biyo mu a shafukanmu na sada zumunta:

Facebook: https://facebook.com/legitnghausa

Twittwe:http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki https://play.google.com/store/apps/details?id=com.naij.hausa

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng