Hotuna: Kalli yadda aka gudanar da bukin karamar Sallah a garin Bauchi
A jihar Bauchi, kamar kowacce shekara an gudanar da bukin karamar Sallah. A wannan shekarar ma, bukukuwan Sallar sun fara ne jim kadan bayan isowar mai martaba Sarkin Bauchi, Dr. Rilwanu Sulaiman Adamu da kuma gwamnan jihar, Sanata Bala Muhammad (Kauran Bauchi) a fadar Sarkin da ke Bauchi.
Kamar kowacce shekara, tsarin hawan Sallar a jihar Bauchi bai faye sauyawa ba, ana hawan ne a tsarin tawaga bayan tawaga, amma dai, tawagar maharba ke fara baje kolinsu, ta hanyar harbe harben bindiga tun daga isowar Sarki fadar daga masallaci.
KARANTA WANNAN: Buhari zai cika alkawaran da ya daukar ma yan Najeriya – IBB ya bayar da tabbaci
Kusan kowacce tawaga ta mahaya dokuna ko matafiya a kasa, na karkashin wani mai rike da sarautar gargajya a jihar, walau Hakimi, mai Gunduma, mai Littafi ko kuma Dagaci. Gaba daya tawagar na jerawa ne, yayin da ta farko ta shiga ta kai caffa ga sarki, za ta fita domin baiwa tawagar da ke binta baya damar shiga, haka dai har kusan tawaga 50 su kammala kai gaisuwa.
Duba hotunan hawan sallar a kasa:
Hakika akwai kayartawa da annashuwa, kallon hawan Sallah a jihar Bauchi, za ka ga kowa cikin ado, a saman dokuna ko a kafa. Yayin da su kuma jami'an tsaro ke safa da marwa ko ina domin tabbatar da tsaro ga al'ummar da ke kallon hawan sallar.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Ga masu bukatar manhajar mu na Azumi a wannan wata mai albarka sai a bibiyi wannan shafi https://fb.gg/play/ramadan_ramadan
Asali: Legit.ng