Albasa-bata-yi-halin-ruwa-ba: Za'a soma kida da rawa a gidajen abincin Saudiyya
Saudiyya ta bayyana shirye-shiryen da ta ke yi na bunkasa bangaren nishadi a kasar, wanda ya hada da bai wa gidajen abinci takardar izinin gudanar da nishadi kai tsaye, kamar yadda ake yi a kasashen Turai.
Shirin da za a kaddamar a 2019 zai kunshi shigo da taurari kamar su Jay Z da David Beckham.
Saudiyyar ta bayyana shirye-shiryen ne a dai-dai lokacin da ake ci gaba da ce-ce-ku-ce kan kisan gillar dan jaridar nan Jamal Khashoggi.
Asali: Depositphotos
KU KARANTA: Abubuwa 5 da baku sani ba game da Sheikh Abubakar Gumi
Kokarin da ake yi na mayar da Saudiyya wani yankin nishadantarwa na daya daga cikin abubuwan da Yarima mai jiran gado Mohammed Bin Salman ke yi, wanda lamarin kisan Jamal khashogji ya mutukar bata wa suna.
Ko a watan Fabrairun 2018 ma Saudiyya ta ce za ta ware kudi dala biliyan 64 domin bunkasa masana'antunta na nishadantarwa a cikin shekaru 10 masu zuwa.
Shugaban hukumar da ke kula da harakokn nishadi a kasar ya ce an tsara shirya abubuwa kimanin 5,000 a bana kawai, da suka kunshi har bikin cashewa na Maroon 5 kamar irin wanda ake gudanarwa a Amurka.
Muhimmiyar sanarwa: Shafin NAIJ.com Hausa ya koma legit.ng Hausa. Mun gode da kasancewarku tare da mu.
Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://web.facebook.com/legitnghausa?_rdc=1&_rdr
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.com
Asali: Legit.ng
