Ku sadu da Abdulkarim Dauda Daura, babban mai tsaron lafiyar Shugaba Buhari
Ofishin babban mai tsaron lafiyar shugaban kasa dai watau Chief Personal Security Officer (CPSO) a turance, shugaba Jonathan ne aka ce ya kirkire shi domin samar wa wani na kusa da shi gurbin zama tare da shi sadda yana mulki.
To shi ma dai Shugaba Muhammadu Buhari da ya zo ance sai kawai bai soke ofishin ba shima sai ya kawo wani dan uwan sa na jini, mai suna Abdulkarim Dauda Daura.
KU KARANTA: Buhari ya yaudari talakan Najeriya - Turaki
Legit.ng ta samu cewa Abdulhakim Dauda Daura da ne ga Marigayi Dauda Daura wanda ke zaman yaya ga shugaba Buhari da akace ya taba rike shugaba Buhari din bayan rasuwar mahaifin sa.
Abdulhakim Dauda dai yayi karatun sa ne na digirin farko a jami'ar Ahmadu Bello dake a Zari'a akan aikin gwamnatin sannan kuma ya karatun Difloma a kan harkokin siyasa a kasar Ingila.
An ce ya soma aikin dan sanda ne a shekarar 1985 kuma yayi aiki a jahohi da dama da suka hada da Sokoto, Katsina, Legas, Edo, Kano, Kaduna da kuma Abuja kafin daga bisani yakai matsayin kwamishinan 'yan sanda sannan a 2018.
Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
