Majalisar dokoki na siyasar yunwa – Jigon Auchi
Wani jigo a masarautar Auchi, Alhaji Usman Abudah, Dan’iyan Auchi a jihar Edo, ya bayyana barazanar da majalisar dokoki tayi na tsige shugaban kasa a ranar Talata a matsayin “siyasar yunwa”.
Abudah yace barazanar nuni ga wakilcin lalaci ga al’umman Najeriya.
Ya fadawa manema labarai a birnin Benin cewa hallayar yan majalisar wajen siyan jirgin yakin Tucano 12 domin yaki da ta’addanci ya nuna cewa yan majalisan basu damu da jin dadin yan Najeriya ba.
A cewarsa, “Shugaban kasar na kula da dukkanin hukumomin tsaro dake yaki day an ta’addan Boko Haram sannan kuma ana samar da makaman da ake bukata.
"Mutum ya ma rasa mai yan majalisan ke son shugaban kasar yayi. Shin so suke yi yaje ya kwashi kayansa na sojoji ya je yaki?”.
KU KARANTA KUMA: Matakan tsige shugaban kasa 8 a kundin tsarin mulkin Najeriya
Ya kalubalanci yan majalisan kan su san abunda ya kamace su.
A baya Legit.ng ta rahoto cewa a ranar Talata, 5 ga watan Yuni yan majalisa sun ja kunnen shugaban kasa Muhammadu Buhari kan ya bi sharudansu ko su dauki mataki.
Idan ka na da wata shawara ko bukatar ba mu labari, a tuntube mu a labaranhausa@corp.legit.ng
Domin samun ingantattun labaranmu bide mu a https://www.facebook.com/naijcomhausa
Ko a http://twitter.com/naijcomhausa
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Asali: Legit.ng
