Labarai

Hijabi: An karrama Firdausi Amasa a wani babban taro

Alhamis, Faburairu 15, 2018 at 10:53 Safiya daga Mudathir Ishaq 2 - tsawon mintuna

- An kaddamar da taron hijabi na duniya a Abuja

- An karrama Firdausi Amasa a wurin taron

- An bukaci a daina takura wa mata masu hijab saboda umarni ne na Allah

Hijabi: An karrama Firdausi Amasa a wani babban taro

Gamayyar kungiyoyin mata Musulmi ta Abuja ta gudanar da gagarumin taron ranar Hijabi ta Duniya, a inda ta karrama Malama Firdausi Amasa, wadda aka ki bai wa takardar shaidar kammala karatun lauya bayan da ta sanya hijabi akan kayan lauya lokacin da aka yi bukin yaye lauyoyi kwanakin baya.

Matan suka ce zasu dauki dukkan matakan da suka dace na kwato wa Firdausi hakkinta, abinda zai kai su gaban wani Kwamiti na Majalisar Wakilan Tarayya.

DUBA WANNAN: Wata Sabuwa: An kara kama wani ma'aikacin JAMB da badakalar naira miliyan 23, Dubi dalilin da ya bayar shi kuma

Malama Rahama Musa Sani, wata jigo a wannan taro, ta shaidawa wakilin mu, cewa mata da yawa da suka riki addininsu da muhimmanci, su na kyamar yin aiki a wasu wurare kamar hukumomin tsaro na soja, 'yan sanda da wasunsu ganin yadda aka tsani mai sanya Hijabi. Tace haka ma a wasu ma'aikatu na gwamnati.

Malama Rahama, ta koka da cewa yanzu ga wannan batu ya shiga makarantu, har an hana wannan baiwar Allah takardar shaidar kammala karatunta na lauya, saboda kawai ta sanya hijabi dan karami a saman kayan lauya.

Ta ce sun ziyarci ma'aikatu da hukumomi da yawa domin wayar da kai game da wannan lamari, inda aka ba su tabbacin cewa za a rika mutunta sanya hijabi, har ma hukumar kare hakkin bil Adama ta Najeriya ta tabbatar musu da cewa hakkin duk mai son sanyawa ne ya sanya karkashin tsarin mulkin kasa.

Ustaz Abubakar Sadiq na masallacin An-Nur, wanda ya halarci wannan taro na Ranar Hijabi, yace fargabar tsaro ba hujja ce ta hana mata sanya hijabi ko kuma yi musu wani kallo daban ba.

Yace masu sanyawa, su na yi ne don bin umurnin Mahaliccinsu, don haka ba zasu yarda da duk wani yunkurin take wannan hakkin ba.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng