Labarai

Tsagerun Neja Delta sun ba Fulani wa’din wata daya su bar yankin su

Alhamis, Janairu 25, 2018 at 9:09 Safiya daga Mudathir Ishaq 2 - tsawon mintuna

- 'Yan tawayen Neja Delta sun ba Fulani makiyaya kwanaki 90 su bar yankin su

- Gamayyar kungiyar 'yan tawayen Niger Delta sun ce za su kafa gwamnatin jamhuriyyar Neja Delta idan gwamnati ta kasa biyan bukatan su

Kungiyar 'yan tawayen Neja Delta sun gargadi Fulani makiyayan akan zuwa yin kiwo a yankin su

Gamayyar kungiyar 'Yan tawayen Niger Delta sun yi wannan gargadin ne a ranar Laraba a birnin Fatakol inda suka lissafo adadin bututun man da za su fasa idan gwamnatin tarayya ta kasa biyan bukatun yankin su.

Kungiyoyin ‘yan tawayen da suka sanya hannu akan wannan yarjejeniyar, sun hada da John Duku na kungiyar (CNDA), Ekpo Ekpo na kungiyar (NDV), Osarolor Nedam na kungiyar (NDW) da Simply Benjamin na kungiyar (BSF).

Tsagerun Neja Delta sun ba Fulani wa’din wata daya su bar yankin su

'Yan tawayen sun ba gwamnatin tarayya wa’adin kwanaki 90 ta sauya fasalin kasar ta inda kowace jiha zata rika kula da arzikin ta, da maida rijiyoyin mai zuwa hannun mutanen Neja delta da kuma dawo da duka shelkwatar kamfanonin mai yankin.

KU KARANTA : APC ta mayar da martani game da wasikar Obasanjo zuwa Buhari

Sun ce, “In ba haka babu Najeriya daya. Zamu kafa gwamnatin jamhuriyyar Neja Delta nan da kwanako 90, idan gwamnati ta kasa aiwatar duka bukatun da muka lissafo.

“Kuma muna ba duka mutanen Arewa dake zama a yankin Neja Delta wa’adin barin yankin mu idan gwamnatin tarayya ta kasa biyan bukatun mu.

“Kuma muna kiran mutanen mu dake zama a Arewa su gaggauta dawowa Neja Delta saboda lafiyar su

Bututun man da za mu fasa sun hada da bututun man dake Usan, Ima, Okoro/Setu, Asabo, Exxon Mobil, Chevron, Intels, Adax, da kamfanin Total.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng