Yadda na fara saka da farin zare a dandalin Kannywood - Sabuwar jaruma Hajarah Isah

Litinin, Janairu 22, 2018 at 8:47 Yamma daga Mudathir Ishaq 2 - tsawon mintuna

- Sabuwar jaruma Hajarah Isah ta fara shirin wasan Hausa da kafar dama

- Jarumar ta haska a wasan Hausa mafi tsada, Gwaska

- Jarumar ta ce tana matukar kaunar tufa

Hajarah Isah, sabuwar jarumar wasan Hausa, na samun karuwar farinjini da daukaka a masana'antar Kannywood bayan rawar da ta taka a shirin wasan kwaikwayon Hausa mafi tsada, Gwaska.

Masu nazarin wasanni masana'antar Kannywood sun tabbatar da cewar ba'a taba kashewa wani shirin fim din Hausa kudi ba kamar yadda aka kashe a shirin wasan Gwaska ba.

Yadda na fara saka da farin zare a dandalin Kannywood - Sabuwar jaruma Hajarah Isah — Sabuwar jaruma Hajarah Isah

Jaridar Premium Times ta tattauna da jarumar a Abuja. Mun tsakuro maku daga cikin tattaunawar.

An tambayi jarumar yadda ta fara shiri a masana'antar Kannywood da taka rawa a cikin fitaccen shiri kamar Gwaska.

Jarumar, mai shekaru 22 a duniya, ta ce "Gaskiya na yi matukar sa'a da masu shirya fim din Gwaska su ka ga cancanta da dacewa ta a cikin shirin. Shine shirina na farko. Adam Zango ya kashe fiye da miliyan bakwai wajen shirin fim din Gwaska."

DUBA WANNAN: Hotunan kyakykyawar amarya da ta haukace ana tsaka da shagalin bikinta

Hajarah ta kara da cewar ta fito a cikin shirin a matsayin 'yar sanda, ta nuna gamsuwar ta da matakin da aka dora ta a fim din domin a cewar ta fitowa a shirin Adam Zango ba kankanin abin alfahari ne, kowanne irin mataki mutum ya taka a shirin.

Jarumar ta bayyana cewar babu abinda zai dakatar da ita daga cigaba da fitowa a shirin wasan Hausa, "burina na zama zabin kowanne Furodusa a masana'antar Kannywood tunda ina da karancin shekaru," a cewar Hajarah.

Hajarah ta ce burinta a masana'antar Kannywood ta zama shahararriyar jaruma kamar Jamila Nagudu da Hadiza, jaruman da ta ce su na matukar burge ta.

Hajarah ta ce tafi kaunar tufa a cikin nau'in abinci.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Fittaciyar Jarumar Kannywood Jarumar Fim