Labarai

Ana shan bakar wahala a Najeriya – Inji Makarfi

Lahadi, Disamba 31, 2017 at 1:37 Yamma daga Mudathir Ishaq 2 - tsawon mintuna

- Tsohon shugaban PDP ya ce al’ummar Najeriya na shan bakar wahala a halin yanzu

- Makarfi ya ce idan aka yi la’akari da alkawuran da gwamnatin APC ta yi a baya da kuma irin rawar da ta taka zuwa yanzu, ba abin alfahari bane

- Tsohon shugaban ya bayyana cewa nan gaba darurruwa ‘yan siyasa zasu dawo PDP domin sun fahimci gwamnatin APC yaudara ce kawai

Tsohon shugaban jam’iyyar adawa ta PDP, sanata Ahmed Makarfi a lokacin da yake hira da jaridar Vanguard ya bayyana cewa al’ummar Najeriya na cikin mawuyacin hali.

Ya ce idan aka yi la’akari da alkawuran da gwamnatin APC ta yi wa jama’ar kasar kafin su karbi mulki da kuma irin rawar da suka taka zuwa yanzu, ba abin alfahari bane.

Ya ce: “Ana bakar wahala a kasar, harkokin tsaro na dada barbarewa, kuma sace-sacen mutane na karuwa da sauran su. Hakika za ku iya cewa ba laifin wannan gwamnati bane, amma zuwa yanzu ya kamata a ce gwamnati ta warware wasu matsalolin”.

Ana shan bakar wahala a Najeriya – Inji Makarfi — Tsohon shugaban jam’iyyar adawa ta PDP, sanata Ahmed Makarfi

Da aka yi masa tambaya yaya yake ganin zaben 2019 za ta kasance, Makarfi ya ce duk da dabarun jam’iyyar mai mulki, don janyewar babban jam’iyyar adawa hankali, nan gaba za a ga yadda darurruwa ‘yan siyasa zasu dawo PDP domin sun fahimci cewa wannan gwamnati yaudara ce kawai.

KU KARANTA: Gwamnatin Tarayya ta yi wa 'yan Najeriya albishir kan lantarki da sufuri

Kamar yadda Legit.ng ke da labari, Makarfi ya bayyana cewa a jihar Kaduna, daya daga cikin jigo a siyasar jihar, Yaro Makama, ya canza sheka zuwa PDP a kwanan nan, kuma wannan na nufin ci gaba ne ga babban jam’iyyar adawa.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng