Labarai

'Yadda Boko Haram ta raba mu da gatanmu har abada' (Hotuna)

Talata, Afirilu 04, 2017 at 5:23 Yamma daga Mudathir Ishaq 2 - tsawon mintuna

- Mata wadanda Boko Haram suka kashe mazajensu na fama da tsananin rayuwa da 'ya'yansu a sansanin daban-daban

- Wasu daga matan sun kasance tare da kananan yara musammam a Maiduguri babban birnin jihar Borno

'Yadda Boko Haram ta raba mu da gatanmu har abada' (Hotuna) — Wasu mata wadanda 'yan Boko Haram suka kashe mazajensu na cikin halin kunci

Hare-Haren Boko Haram musammam a Maiduguri babban birnin jihar Borno a arewa maso gabashin Nijeriya sun haifar da dubban marayu da kuma matan da aka kashe mazajensu aka bar su da dawainiya.

Akwai dumbin mata da kananan yara musammam a Maiduguri, da ke cikin halin tagayyara sakamakon raba su da mazan da suka dogara da su wajen kula da rayuwarsu da ta 'ya'yansu.

Legit.ng ta gano cewa akasarin wadannan mata ba su da aikin yi, ko wata sana'a, lamarin da ta tilasta wa wasunsu yin barace-barace don neman abin da za su ciyar da kansu da 'ya'yansu.

KU KARANTA KUMA: Boko Haram su yi wani sabon bidiyo

Wata cikin wadannan matan na cewa ba za ta taba manta halin da ta samu kanta a ciki ba shekaru 3 da suka gabata lokacin da yan Boko Haram suka hallaka mijinta gami da 'ya'yanta 3.

Wadannan mata da Boko Haram ta raba da mazajensu na cikin tsananin buƙatar abinci da kula da lafiya da kuma ilmi ga 'ya'yansu, baya ga tallafi don samun yadda za su iya tsayawa da kafafunsu.

Ku biyo mu a https://www.facebook.com/naijcomhausa

Ko a http://twitter.com/naijcomhausa

Ga bidiyon wasu yara wadanda rikicin kudancin Kaduna ta rusa da iyayensu

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng