Kannywood-Nollywood: Mista Ibu da Fitattun 'Yan Wasa 5 da Suka Mutu a Shekarar 2024
Sani Hamza, kwararren edita ne a fannin nishadi, al'amuran yau da kullum da kuma siyasa. Yana da shekaru sama da biyar a aikin jarida.
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Jarumai da dama a masana’antun fina finan Najeriya da suka hada da Kannywood (Arewa) da Nollywood (Kudu) suka riga mu gidan gaskiya a shekarar 2024.
Na baya bayan nan shi ne mutuwar jaruma Bintu ta shirin Dadin Kowa (a tashar Arewa 24) da kuma fitaccen jarumin barkwanci na kudu, Mista Ibu.
![Kannywood-Nollywood: Mista Ibu da Bintu Dadin Kowa Kannywood-Nollywood: Mista Ibu da Bintu Dadin Kowa](https://cdn.legit.ng/images/1120/8aec4558c295c480.jpeg?v=1)
Asali: UGC
A wani bangare na karrama jaruman da suka rasu, ya zama wajibi mu yi waiwaye adon tafiya kan irin gagarumar gudunmawar da suka bayar a harkar fina finai a Najeriya.
Ga jerin jaruman Kannywood da Nollywood da suka mutu a shekarar 2024 zuwa yanzu.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
![](https://cdn.legit.ng/images/360x203/54c002464072a7ce.jpeg?v=1)
Kara karanta wannan
Zaben 2027: Jam'iyyar APC a jihar Arewa ta yi wa Shugaba Tinubu wani babban albashir
![Bintu Dadin Kowa ta rasu Bintu Dadin Kowa ta rasu](https://cdn.legit.ng/images/1120/78468e75fda03567.jpeg?v=1)
Asali: UGC
1. Fatima Sa’id (Bintu Dadin Kowa)
Fatima Sa’id, wacce aka sanar da rasuwarta a ranar 11 ga Fabrairu, 2024, ta kasance shahararriyar jarumar Kannywood wadda ta fito a cikin shirin Dadin Kowa na Arewa24.
An haifi Bintu Dadin Kowa a shekarar 1999 kuma ta fito ne daga Gunduwawa, karamar hukumar Ungogo a jihar Kano, Neptune Prime ta ruwaito.
Ta fara wasan kwaikwayo ne bayan ta fito a wani fim mai suna “BIL HAKKI”, daga baya kuma tauraruwarta ta fara haskawa bayan ta fito a shirin “Dadin Kowa”.
![Mr Ibu ya mutu a ranar 2 ga watan Maris, 2024 Mr Ibu ya mutu a ranar 2 ga watan Maris, 2024](https://cdn.legit.ng/images/1120/e34d0db2ab0b9320.jpeg?v=1)
Asali: Instagram
2. Mr. Ibu
A yammacin ranar Asabar 2 ga watan Maris 2023, shugaban kungiyar jaruman fina-finai ta Najeriya (AGN), Emeka Rollas ya tabbatar da mutuwar jarumin barkwanci, John Okafor, wanda aka fi sani da Mr Ibu.
A cikin Oktoba 2023, aka samu rahoton rashin lafiyar tsohon jarumin tare da neman taimakon kuɗi don yi masa magani, a watan Nuwamban 2023, aka yanke masa kafa daya.
![](https://cdn.legit.ng/images/360x203/7f89dd35d60589d2.jpeg?v=1)
Kara karanta wannan
Bayan mutuwar Mista Ibu, wata shahararriyar jarumar fina-finai a Najeriya ta tafka babban rashi
Mista Ibu ya fara fitowa a Nollywood a karshen shekarun 90s, kuma bai dade ba ya samu karbuwa bayan fitowa a fim din “Mr. Ibu,” da aka fitar a 2004.
![Sisi Quadri ya mutu ne a ranar 1 ga watan Maris, 2024 Sisi Quadri ya mutu ne a ranar 1 ga watan Maris, 2024](https://cdn.legit.ng/images/1120/e14d65e9cc2fb7cc.jpeg?v=1)
Asali: Instagram
3. Sisi Quadri
Legit ma ta rahoto mutuwar jarumin Nollywood na Yarbawa, Tolani Quadri Oyebamiji, wanda aka fi sani da Sisi Quadri ya rasu ne a ranar 1 ga Maris, 2024 yana da shekaru 44.
Oyebamiji ya yi bikin cika shekaru 44 da haihuwa a ranar 25 ga Disamba, 2023.
Da take sanar da rasuwarsa, jarumar fina-finan Nollywood, Abiola Bayo ta rubuta a shafinta na Instagram, “Za a yi kewarka sosai, Sisi Quadri."
![Ethel Ekpe ta mutu ne a ranar 7 ga watan Fabrairu, 2024. Ethel Ekpe ta mutu ne a ranar 7 ga watan Fabrairu, 2024.](https://cdn.legit.ng/images/1120/27067c4ecde8550d.jpeg?v=1)
Asali: Facebook
4. Ethel Ekpe
Fitacciyar ‘yar wasan kwaikwayo, Ethel Ekpe, wadda ta taka rawa sosai a masana'antar Nollywood ta rasu ne sakamakon cutar daji a ranar Laraba, 7 ga Fabrairu, 2024 a jihar Legas.
Legit ta tattaro cewa Ekpe, wadda ta shahara wajen taka rawar ‘Segi’ a shirin gidan talabijin na NTA, ‘Basi and Company’, ta rasu ne bayan fama da cutar daji.
![](https://cdn.legit.ng/images/360x203/fac355bedf5defdd.jpeg?v=1)
Kara karanta wannan
'Yar bautar kasa ta tsinci wayar iPhone 13 Pro Max da ta kai miliyan 1.3, ta mayarwa mai ita
![Olofaina Ina ya mutu a ranar 4 ga watan Fabrairu, 2024. Olofaina Ina ya mutu a ranar 4 ga watan Fabrairu, 2024.](https://cdn.legit.ng/images/1120/d302b5fa9a7137a1.jpeg?v=1)
Asali: Instagram
5. Olofa Ina
Shahararren jarumin yarbawa Deji Aderemi wanda aka fi sani da Olofa Ina ya rasu ne a ranar Alhamis 4 ga watan Junairu 2024. Ya rasu yana da shekaru 73 a duniya.
Vanguard ta ruwaito cewa jarumin ya rasu ne sakamakon cutar daji a jihar Legas.
Jaruman Kannywood 5 da suka rasu a 2023
Tun da fari, Legit Hausa ta fara kawo maku rahoton mutuwar wasu manyan jarumai 5 na masana'antar Kannywood a shekarar 2023.
A waccan shekarar, Masana'antar Kannywood ta girgiza matuka da mutuwar jarumin barkwanci Kamal Aboki, sai dai rasuwar darakta Aminu S. Bono ta tsayar da komai a masana'antar na dogon lokaci.
Asali: Legit.ng