Iran Ta Bankado Karairayin Trump, Ta Yi Masa Barazana a Yankin Gabas Ta Tsakiya

• Kakakin Jami’an Tsaron Juyin Juya Hali na Iran ya zargi Shugaban Amurka Donald Trump da yin ƙarya kan makaman nukiliya
• Hossein Mohebbi ya ce Amurka ta gaza a yaƙin soji da Iran, yana mai cewa ya kamata Washington ta fice daga yankin Gabas ta Tsakiya
• Kakakin ya ce ya kamata a sanar da jama’ar Amurka gaskiyar abin da ya faru domin bambance karya da gaskiya

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Tehran, Iran - Kakakin Rundunar Jami’an Tsaron Juyin Juya Halin Iran, IRGC, ya zargi Shugaban Amurka, Donald Trump da yin ƙarya.

Hossein Mohebbi yana magana ne kan batun makaman nukiliya da sauran batutuwa da suka shafi yakin kasashen biyu.

Kakakin, Hossein Mohebbi, ya bayyana hakan ne ranar Talata, inda ya ce ya kamata a faɗa wa jama’ar Amurka gaskiyar abin da ya faru, cewar Al Jazeera.

Kara karanta wannan

Abba Kabir ya fada wa 'yan Arewa muhimmancin goyon bayan Tinubu

Iran ta yi wa Amurka tonon silili

Mohebbi ya ƙara da cewa Amurka ta gaza a yakin sojinta da Iran, yana mai cewa ya kamata Washington ta fice daga yankin.

A cewarsa, jama’ar Amurka na buƙatar sanin gaskiyar lamarin, musamman game da ikirarin da Trump ya yi kan makaman nukiliya da sauran batutuwa.

Sai dai rahoton bai bayar da ƙarin bayani kan takamaiman kalaman Trump da Mohebbi yake magana a kansu ba.

Rahoton ya bayyana cewa lamarin na ci gaba da faruwa, yayin da ake jiran ƙarin bayani kan kalaman da kuma martanin bangarorin da abin ya shafa.

Wannan sabon rikici na ƙara bayyana sabanin matsayar Iran da Amurka kan batutuwan tsaro, makaman nukiliya da kuma ayyukan soji a Gabas ta Tsakiya.

Mohebbi ya ce Amurka ta gaza cimma manufofinta a kamfen ɗin sojin da ta gudanar kan Iran, yana mai kira ga ƙasar da ta bar yankin.

Kalaman nasa sun zo ne yayin da ake ci gaba da samun takaddama tsakanin Tehran da Washington kan ayyukan soji da batutuwan nukiliya.

Kara karanta wannan

Trump ya kawo babbar matsala bayan Iran ta mika tayin buɗe Hormuz ga Amurka

Iran ta bayyana Trump a matsayin makaryaci

A cikin kalaman da aka rawaito, kakakin rundunar IRGC ya yi amfani da kalmar “babban maƙaryaci” wajen bayyana Trump, yana sukar wasu daga cikin kalaman shugaban Amurkan.

Ya ce ya kamata jama’ar Amurka su samu cikakken bayani game da abin da ya faru, maimakon dogaro da bayanan da ya ce ba su bayyana gaskiyar lamarin ba.

Rahoton Reuters da jaridar The Jerusalem Post ta wallafa ya ce kalaman Mohebbi na daga cikin sabbin bayanan da suka fito kan rikicin tsakanin Iran da Amurka.

Sai dai babu ƙarin bayani a cikin rahoton kan matakin da Amurka za ta ɗauka dangane da kalaman kakakin IRGC, cewar The Jerusalem Post.

Lamarin ya kasance mai tasowa, kuma ana sa ran ƙarin bayanai daga bangarorin Iran da Amurka yayin da ake ci gaba da bibiyar halin da ake ciki.

Trump ya magantu kan kaammala yakin Iran

Kara karanta wannan

Ministan Tinubu ya fito ya fadi gaskiya, ya ce farashin man fetur zai iya ƙara tsada a Najeriya

Mun ba ku labarin cewa shugaban Amurka Donald Trump ya ce ya yi imanin yakin da Iran zai kawo karshe bayan zaben tsakiyar wa’adin Amurka a watan Nuwamba.

Trump ya yi zargin cewa Iran na kokarin tsawaita yakin domin rikita zaben, amma ya ce Amurkawa sun fahimci abin da ke faruwa.

Ya ce farashin man fetur zai fadi matuka bayan kawo karshen yakin, yayin da yake magana da manema labarai a Dublin.

Asali: Legit.ng