Da duminsa: An samu sabbin masu korona 386 a Najeriya, jimillar ta kusa 4,000
Hukumar kula da cututtuka masu yaduwa (NCDC) ta tabbatar da cewa, an samu sabbin masu dauke da cutar korona 386 a Najeriya a ranar Juma'a, 8 ga watan Mayun 2020.
Kamar yadda hukumar ta bayyana, jihar Legas ce a kan gaba inda take da sabbin masu cutar har 176.
Jihar Kano ce ke biye da jihar Legas inda ta ke da sabbin masu cutar 65. A jihar Katsina an samu sabbin kamun cutar har mutum 31.
Babban birnin tarayya na da 20, jihar Borno na da 17, jihar Bauchi na 15, jihar Nasarawa na da 14, jihar Ogun na da 13, jihar Filato na da 10 sai jihar Oyo na da 4.
Kamar yadda hukumar ta wallafa a shafinta na twitter, a jihar Sokoto an samu mutum 4, jihar Ribas akwai sabbin mutum 4, jihar Kaduna na da sabbin masu dauke da cutar 3 sai Edo da ke da 2.
Jihar Ebonyi na da karin mutum 2, Ondo na da karin 2 sai jihohin Enugu, Imo, Gombe da Osun da ke da daddaya.
A halin yanzu jimillar wadanda suka kamu da cutar a Najeriya sun kai 3,912. An sallama majinyata 679 bayan an tabbatar da samun warakarsu daga muguwar cutar. Mutum 117 suka riga mu gidan gaskiya bayan kamuwa da cutar.
KU KARANTA: Yanzu-yanzu: Allah ya yi wa kanin Malam Mamman Daura rasuwa
A wani labari na daban, Shugaban kasa Muhammadu Buhari ya mika sakon ta'aziyyarsa ga danginsa da kuma jama'ar garin Daura bayan rasuwar dan shi na dangi, Alhaji Murtala Dauda.
Alhaji Murtala Dauda kani ne ga Malam Mamman Daura, babban shakiki kuma aminin shugaban kasa Muhammadu Buhari.
A wata takarda da ta fita daga hannun babban mataimaki na musamman ga shugaban kasa Muhammadu Buhari, Garba Shehu ya ce mutuwa rigar kowa ce kuma kowa sai ya dandanata.
Ya ce, "A madadina da na iyalaina, ina mika sakon ta'aziyyata a kan rashin Muntari Dauda.
"Mutuwa na kan kowa kuma babu mai guje mata. Kowacce rai za ta dandana mutuwa wata rana.
"Ba kukanmu mamatanmu ke so ba saboda hawayenmu ba zai dawo da su ba. Abinda suke bukata shine addu'a.
"A don haka nake ta'aziyya ga jama'ar garin Daura gaba daya a kan wannan babban rashi."
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Domin sauke manhajar labaran Legit.ng a wayar ku ta hannu, latsa wannan rubutu na kasa:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
