Labarai

Hotunan haduwar biloniyoyi; Aliko Dangote ya ziyarci Abdulsamad Isyaka Rabi'u

Asabar, Faburairu 29, 2020 at 6:05 Safiya daga Mudathir Ishaq 2 - tsawon mintuna

Shugaban kamfanin Dangote, kuma mai kudin Afrika, Aliko Dangote ya kai ziyara ga abokin kasuwancinsa, AbdulSamad Rabiu, shugaban kamfanin BUA a Legas.

A yayin bayyana ziyarar, Rabiu ya nuna godiyarsa a kan wannan ziyarar da babban attajirin ya kai masa.

Hotunan haduwar biloniyoyi; Aliko Dangote ya ziyarci Abdulsamad Isyaka Rabi'u
Asali: Twitter

Shugaban kamfanin BUA din ya ce: "Na yi matukar farin ciki da na karba abokina kuma dan uwana, Alhaji Aliko Dangote a ofishina a yau. Irin kudirinsa da hangensa nake amfani wajen sauya yanayin kasuwancin kasarmu Najeriya. Nagode sosai Alhaji da wannan karamcin."

Babu wani dadewa, mujallar Forbes ta saki rahotonta na jerin manyan masu kudin duniya amma mutane hudu a Najeriya ne suka shiga ciki. Akwai Aliko Dangote, Mike Adenuga, AbdulSamad Rabiu da Folorunsho Alakija.

DUBA WANNAN: 'Yan agaji sun kashe 'yan bindiga 17 a Katsina, fararen hula 4 sun mutu

A cikin hudun kuwa, Dangote ne ya haye sama a matsayin babban mai kudin duniya bakar fata. Yana da arzikin dala biliyan 10.1.

Mike Adenuga shugaban kamfanin Globacom ya zo a na biyu a Najeriya kuma na uku a Afrika tare da arzikin dala biliyan 7.7.

Rabiu kuwa a wannan shekarar arzikinsa ya kai dala biliyan 3.1 kuma ya zo a na takwas a jerin.

Alakija mai kamfanin Famfa Oil ta rufe jerin inda ta bayyana da arzikin dala biliyan daya kuma ta zo a ta 20 a Afrika.

A cikin su hudun kuwa da suka shiga jerin a wannan shekarar, Rabiu ne ya samu karuwar arziki fiye da shekarar da ta gabata.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng