Labarai

Hamshaƙin attajirin Najeriya, Dangote, ya gina katafaren kamfanin Siminti a ƙasar Congo

Laraba, Nuwamba 29, 2017 at 10:44 Safiya daga Mudathir Ishaq 1 - tsawon mintuna

Shahararren attajirin nan dan Najeriya, Aliko Dangote ya kaddamar da katafaren kamfanin Siminti na rukunin kamfanuwan Dangote a kasar Congo dake yankin gabashin Afirka.

Kamfanin dillancin labaru ta ruwaito Attajirin ya gina kamfanin ne da dalan miliyan 500, wanda ake sa ran zata dinga fitar da tan miliyan 1 da 500,000 na Siminti a duk shekara.

KU KARANTA: Sojoji sun ceto mutane 212 tare da kama kwamandan Boko Haram

Hamshaƙin attajirin Najeriya, Dangote, ya gina katafaren kamfanin Siminti a ƙasar Congo — Kamfani

Majiyar Legit.ng ta ruwaito kamfanin zata samar da ayyuka 1000 kai tsaye, da daruruwan ayyukan a kaikaice. Da bikin kaddamar da wannan kamfani, Dangote na da kamfanuwan Siminti guda goma kenan a nahiyar Afirka.

Shi kan sa shugaban kasar Congo, Denis Sassou Nguesso na daga cikin wandanda suka halarci taron, inda har ya mika masa lambar girmamawa ta kasar Congo. Haka zalika Firai ministan kasar Clement Moumba.

Daga Najeriya taron ya samu halartar ministan ma’adanai, Kayode Fayemi, ministan ciniki, Okechukwu Enelamah, shugaban kamfanin BUA, Abdulsamad Rabiu, tsohon babban Sufetan Yansanda, Abubakar Mohammed, Adams Oshiomale da sauran jiga jigan kamfanin Dangote.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng