An Kama Wani Makaho da Kuturu Dauke da Tarin Ganyen Wiwi a Jihohin Osun da Kano

• Hukumar NDLEA a Najeriya ta yi nasarar kame wasu mutane biyu da aka zargin su da aikata harkallar tabar miyagun kwayoyi
• An kama wani makaho da ke ajiyar tabar wiwi a jihar Osun, an bayyana irin kudaden da ake ba shi na ajiyar kayayyakin
• Hakazalika, a jihar Kano, an kama wani kuturu da ke harkallar miyagun kwayoyi, tuni aka kwato kayayyaki a hannunsa

FCT, Abuja - Jami’an hukumar NDLEA sun yi nasarar kame wani makaho mai shekaru 67, Aliyu Adebiyi, wanda aka samu kiligiram 234 na tabarar wiwi a gidansa.

An ce jami’an sun gano wannan tarin haramtaccen kaya ne a gidan makahon da ke kauyen Sokoto a yankin Owena Ijesa a karamar hukumar Atakumosa ta gabas a jihar Osun.

Kakakin hukumar, Femi Babafemi ne ya bayyana wannan batu a ranar Lahadi a Abuja, inda ya bayyana nasarorin da hukumar ta samu, Daily Trust ta ruwaito.

Kara karanta wannan

Bidiyon Baturiya Tana Yawo a Hargitse Babu Takalmi a Lagas Ya Girgiza Intanet, Bidiyon Ya Yadu

A cewar kakakin, makahon na yin ajiyar wadannan kayayyakin ne a kan kudi N6000 a duk wata, kuma tuni aka biya shi na watanni uku kafin zuwansu.

An kama kutura dan harkalla a Kano

A wani yanayi irin wannan, jami’an sun kame wani kuturu, Haruna Abdullahi mai shekaru 45 a garin Garko ta jihar Kano a ranar Alhamis 19 ga watan Janairu.

An kama Haruna ne dauke da wasu haramtattun kayayyaki da suka hada da tabar wiwi, tarin kwayoyin aji-garau, masu sa bacci na ‘Diazepam’ da ‘Exol’.

Hakazalika, Babafemi ya ce hukumar ta kuma yi nasarar dakile yunkurin shigo da kilogiram 126.95 na hodar iblis da aka boye a ganyen shayi.

A cewarsa, an kama kayan ne filin jirgin sama na Akanu Ibiam da ke jihar Enugu da kuma bakin ruwan Tin Can da ke Legas, rahoton The Nation.

Kara karanta wannan

Kamfen zub da jini: An sheke wani, da dama sun jikkata a kamfen PDP a wata jihar APC

Ya kara da cewa, ana zargin an shigo da kayayyakin ne daga kasashen waje; Brazil da Kanada don yin harkallarsu a Najeriya.

An kama tsoho mai safarar makamai

A wani labarin kuma, kun ji yadda jami'an tsaro a Najeriya suka yi nasarar kame wani tsoho da wasu mutu, biyu bisa zarginsu da harkallar makamai.

Rahoto ya ce an kama tsohon mai shekaru 70; Sani Mani da wasu mutum biyu; Haruna Yahaya da Isa Haruna.

A cewar jami'an tsaro:

"Bincike ya nuna cewa Yahaya mamba ne na wani babban kungiyar masu aikata manyan laifuka da ke addabar mazauna yankin Tungan-Maje."

Asali: Legit.ng