Babbar Magana: Abin da Zai Faru idan Amurka Ta Sake Kaddamar da Yaki kan Iran

• Rundunar Sojin Ruwa ta IRGC ta yi barazanar kai wa jiragen ruwan yaƙin Amurka hari idan Washington ta sake ƙaddamar da wani yaƙi da Iran
• Wani babban jami’in IRGC ya ce Iran za ta iya kai hari kan jiragen Amurka har cikin Tekun Indiya idan sabon rikici ya ɓarke
• Barazanar ta zo ne yayin da rashin jituwar Iran da Amurka kan mashigin Hormuz ke ci gaba, duk da raguwar faɗan da ake yi a 'yan makonnin nan

​​​​​​​​​​​​​​​​​​​​​​​Editan Legit Hausa Sharif Lawal yana da kwarewar shekaru wajen kawo rahotannin siyasa, al'amuran yau da kullum, tsegumi da nishadi

Birnin Tehran, Iran - Rundunar Sojin Ruwa ta Islamic Revolutionary Guard Corps (IRGC) ta Iran ta yi barazanar kai hare-hare idan har aka sake kaddamar da yaki kan kasar.

Rundunar ta yi barazanar kai wa jiragen ruwan yaƙin Amurka hari, ciki har da waɗanda ke cikin Tekun Indiya, idan Washington ta ƙaddamar da wani sabon yaƙi da Tehran.

Kara karanta wannan

ACF: An fara wayar da kan 'yan Arewa a Kano kan sayen hannun jari a matatar Dangote

Mataimakin shugaban ɓangaren siyasa na Rundunar Sojin Ruwa ta IRGC, Ali Mohammadi, ne ya bayyana hakan, kamar yadda tashar Aljazeera ta ruwaito.

“Za mu kai wa jiragen Amurka hari”

Mohammadi ya ce idan Shugaban Amurka Donald Trump yana ganin cewa Mashigar Hormuz mallakarsa ne, to ya kamata jiragen ruwan Amurka su kasance a yankin.

“Idan Trump yana ɗaukar Mashigar Hormuz a matsayin mashigarsa, to me ya sa jiragen ruwansa da sauran jiragen ruwa ba sa nan?” in ji Mohammadi.

Ya ƙara da cewa idan Amurka na ikirarin cewa tana da iko da hanyar ruwan, to ya kamata ta turo jirginta kusa da yankin.

Mohammadi ya kuma yi gargadin cewa idan wani sabon yaƙi ya ɓarke, Iran za ta kai hari kan jiragen ruwan Amurka.

“Idan wani yaƙi ya sake ɓarke wa, babu shakka za mu kai wa jiragen ruwansu da masu lalata jiragen ruwa hari, har ma a cikin Tekun Indiya.” In ji shi

Kara karanta wannan

Trump ya kawo babbar matsala bayan Iran ta mika tayin buɗe Hormuz ga Amurka

Rikici kan Mashigar Hormuz

Wannan barazana ta zo ne a lokacin da ake ci gaba da samun ɗimbin rashin jituwa tsakanin Iran da Amurka bayan watanni na fuskantar juna ta fuskar soji a yankin Tekun Farisa da Mashigar Hormuz.

Mashigar Hormuz na daga cikin muhimman hanyoyin ruwa da ake amfani da su wajen jigilar man fetur a duniya kafin Iran ta rufe ta bayan Amurka da Israila sun kai mata hari.

A 'yan makonnin nan, jami’an sojin Iran sun sha ƙalubalantar ikirarin Shugaba Donald Trump na cewa Amurka tana da “cikakken iko” kan Mashigar Hormuz da ake takaddama a kanta.

Mohammadi ya ce ikirarin Washington bai yi daidai da halin da ake ciki a yankin ba, yana mai gargadin cewa dakarun Amurka za su fuskanci martanin rundunar sojin ruwan Iran idan suka kusanci mashigin.

Iran za ta yi amfani da sababbin fasahohi

A wani labarin kuma, kun ji cewa kakakin rundunar sojin Iran, Birgediya Janar Abolfazl Shekarchi, ya yi gargadi kan kai wa kasar hari.

Kara karanta wannan

Gwamnati ta sauya dabara, ta cafke kasurgumin jagoran 'yan ta'adda

Kakakin rundunar sojojin ya yi gargadin cewa duk wani hari da aka kai wa ƙasar zai fuskanci martani ta amfani da “sabbin fasahohin soja”.

Asali: Legit.ng