Magana Ta Kare, INEC Ta Dora Sabon Tambarin Jam'iyyar Su Kwankwaso a Shafinta

• Jagoran jam’iyyar NDC na ƙasa, Sanata Henry Seriake Dickson, ya tabbatar da cewa INEC ta dora sabon tambarin jam'iyya a shafinta
• Sanata Dickson ya ce ɗora tambarin wani mataki ne na biyayya gaumarnin Babbar Kotun Tarayya da kuma kundin tsarin mulkin jam’iyyar NDC
• Ya kuma yaba wa hukumar INEC da hukumar shari’a ta Najeriya bisa bin hukuncin kotu kan tambarin jam’iyyar

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Abuja, Nigeria - Jagoran NDC na ƙasa, Sanata Henry Seriake Dickson, ya taya shugabannin jam’iyyar da mambobinta murnar dora sabon tambarin jam’iyyar a zhafin Hukumar Zaɓe Mai Zaman Kanta (INEC).

Dickson ya ce wannan ci gaba ya yi daidai da umarnin Babbar Kotun, bayan amincewa da canza tambarin bisa kundin tsarin mulkin jam’iyyar NDC da kuma tabbatar da shi daga Kwamitin Zartarwa na Ƙasa (NEC).

Kara karanta wannan

2027: APC ta na goyon bayan hana Pantami, tsohon IGP da sauransu takara

Sanatan na jihar Bayelsa ya bayyana haka ne a a cikin wata sanarwa da ya wallafa a shafinsa na Facebook yau Talata, 6 ga watan Oktoba, 2026.

NDC ya yaba wa INEC da bangaren shari'a

Tsohon gwamnan Jihar Bayelsa ya yaba wa bangaren shari’a na Najeriya, da Shugaban INEC, Farfesa Joash Amupitan, da mambobin hukumar bisa bin hukuncin kotu.

Ya kuma yaba wa Shugaban NDC na ƙasa, Sanata Moses Cleopas, da mambobin NEC bisa ƙoƙarinsu, tare da gode wa ’yan takarar jam’iyyar da mambobinta saboda fahimtar da suka nuna yayin takaddamar da sabon tambarin.

A cewar Dickson, dora tambarin da aka amince da shi a shafin INEC zai bai wa ’yan takarar NDC tabbaci yayin da suke ƙara shirye-shiryen yaƙin neman zaɓe.

“Yanzu an dora tambarin da aka amince da shi, kuma ’yan takara za su iya buga kayan yaƙin neman zaɓe tare da ci gaba da tuntuɓar jama’a cikin kwanciyar hankali,” in ji shi.

Kara karanta wannan

Kasurgumin dan bindiga da yaransa 6 sun hadu da abin da ya fi ƙarfinsu, sun mutu nan take

Dickson ya jaddada kudirin NDC

Dickson ya ce jam’iyyar za ta ci gaba da jajircewa wajen cimma manufofinta na siyasa, yana mai cewa ƙoƙarin amfani da bangaren shari’a wajen raunana NDC ya gaza.

“Mu mayaƙa ne, kuma za mu yi yaƙi har ƙarshe. Mun ja daga da waɗanda suka nemi amfani da bangaren shari’a wajen yaƙar jam’iyyar, kuma sun gaza,” in ji shi.

Shugaban NDC ya buƙaci ’yan takarar jam’iyyar a faɗin ƙasar su yi aiki kafada da kafada da jam’iyyar a dukkan matakai yayin kafa ƙungiyoyin yaƙin neman zaɓensu.

Ya jaddada cewa ’yan takarar suna takara ne ƙarƙashin inuwar jam’iyyar, ba a matsayin ’yan takara masu zaman kansu ba.

Dickson ya gargaɗi ’yan takarar kan abin da ya kira yi wa kansu zagon ƙasa, yana mai buƙatarsu da su tabbatar da haɗin kai tare da daidaita ayyukan yaƙin neman zaɓensu da shugabannin jam’iyyar.

Wani dan Kwankwasiyya a Kano, Malam Sa'idu Abdu ya shaida wa Legit Hausa cewa suna fargabar yiwuwar a maimaita abin da ya faru a zaben 2023.

Kara karanta wannan

Atiku vs Tinubu: Jam'iyyar ADC ta shata layi, ta gindaya sharadi kan babban zaben 2027

Ya ce sai dai alamu sun nuna INEC ta dauki matakin kaucewa fadawa irin wannan matsala, wacce a cewarsa ta dakile nasarar madugun Kwankwasiyya.

"A 2023 mun fuskanci matsalar rashin dora tambarin NNPP yadda mutane za su gane a takardun kafa kuri'u, kuma muna zargin hakan ya jawo wa Kwankwaso asarar kuri'u.

"Muna fatan INEC za ta dauki darasi domin gudun sake fadawa gidan jiya," in ji shi.

Babachir Lawal ya koma NDC

Kun ji cewa tsohon Sakataren Gwamnatin tarayya, Babachir Lawal, ya koma jam’iyyar NDC watanni uku bayan ya yi murabus daga ADC.

Lawal ya sanar da komawarsa jam’iyyar NDC a Abuja, inda ya bayyana goyon bayansa ga tikitin shugaban ƙasa na Peter Obi da mataimakinsa Rabiu Kwankwaso gabanin zaɓen 2027.

Asali: Legit.ng