Tafiya Ta Tafi: Takarar Pantami Ta Samu Babban Tagomashi a Gombe
- Manyan masu ruwa da tsaki daga Yamaltu/Deba, ciki har da tsofaffin sojoji da ’yan siyasa, sun koma PDP tare da dubban magoya bayansu
- Sababbin ’yan PDP ɗin sun bayyana goyon bayansu ga ɗan takarar gwamnan Gombe na jam’iyyar, Farfesa Isa Ali Ibrahim Pantami
- Sun yi alƙawarin amfani da gogewarsu da alaƙar da suke da ita a ƙasa wajen ƙarfafa PDP da wayar da kan masu zaɓe
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da kwarewar shekaru wajen kawo rahotannin siyasa, al'amuran yau da kullum, tsegumi da nishadi
Jihar Gombe - Manyan masu ruwa da tsaki daga ƙaramar hukumar Yamaltu/Deba a jihar Gombe sun koma jam’iyyar Peoples Democratic Party (PDP), tare da dubban magoya bayansu.
An karɓe su a hukumance cikin PDP a wani taro da aka gudanar a Gombe, inda jagoran jam’iyyar a jihar kuma tsohon gwamnan Gombe, Sanata Ibrahim Hassan Dankwambo, ya halarta.
Source: Twitter
Hakan na kunshe ne a cikin wata sanarwa da aka sanya a shafin X na Farfesa Isa Ali Pantami ranar Litinin, 5 ga watan Oktoban 2026.
Haka kuma, ɗan takarar gwamnan Gombe na PDP, Farfesa Isa Ali Ibrahim Pantami, da Shugaban PDP na Jihar Gombe, Manjo Janar Amnon Kalaye Kwaskebe (mai ritaya), sun halarci taron.
Waɗanda suka koma PDP
Daga cikin manyan masu ruwa da tsaki da suka koma PDP akwai tsoffin jami’an sojoji, tsoffin ma’aikatan gwamnati da kuma ’yan siyasa masu gogewa.
Sun haɗa da:
- Kanal Magaji Deba (mai ritaya)
- Alhaji Adamu Aliyu (Dalcogna)
- Alhaji Sale Abubakar (F.G.L)
- Alhaji Danladi Buba Fata (E.S)
- Laftanar Kanal Ado Baba (mai ritaya)
- Alhaji Waziri Mudi Shinga (Wazirin Shinga)
- Alhaji Abdulrashid Aliyu (Durbin Kwadan)
- Alhaji Isah Aliyu Galadima
- Alhaji Basiran Yamaltu
- Alhaji Umar Aliyu Hina
- Alhaji Muhammad Ali Barde
- Alhaji Kabiru Kurjale
- Alhaji Basiru Abdullahi (Maisamari)
- Alhaji Hassan Kuri
- Alhaji Adamu Muhammad
- Alhaji Mohi B.O.C
- Alhaji Dahiru Abubakar Dasa
- Alhaji Dan Rimi Adamu Hassan
- Alhaji Shafi’u Kuri
- Alhaji Bashir Salisu
- Alhaji Ahmed Abdullahi
- Alhaji Hamisu Idris
- Alhaji Bashir Abubakar
- Alhaji Munkaila Yakubu
- Alhaji Kabiru Abdullahi
- Alhaji Yaya Babayo (Barden Deba)
- Alhaji Hamisu Sani Gwani
Sun bayyana goyon bayansu ga Pantami
Sababbin 'yan siyasar da suka koma PDP sun bayyana cikakken goyon bayansu ga Farfesa Isa Ali Ibrahim Pantami tare da yin alƙawarin yin aiki domin samun nasarar ’yan takarar jam’iyyar a zaɓubbukan da ke tafe.
Sun ce za su yi amfani da gogewarsu a harkokin siyasa, tasirinsu a tsakanin jama’a da kuma alaƙoƙinsu a ƙasa wajen ƙarfafa PDP.
Haka kuma, sun yi alƙawarin taimaka wa jam’iyyar wajen wayar da kan masu zaɓe da kuma tattara magoya baya a unguwanni da al’ummomin ƙaramar hukumar Yamaltu/Deba.
Dankwambo da Pantami sun yi maraba da su
Da yake maraba da sababbin ’yan jam’iyyar, Sanata Ibrahim Hassan Dankwambo da Farfesa Isa Ali Ibrahim Pantami sun tabbatar musu da cewa za a ba su damar shiga harkokin jam’iyyar tare da samun dama da kuma wakilci kamar sauran ’yan PDP.
Sun bayyana shigowar sababbin mambobin a matsayin wani ci gaba ga jam’iyyar PDP a Yamaltu/Deba.
Masu shirya taron sun ce shigowar dubban magoya bayan sabbin mambobin na iya ƙara wa PDP ƙarfi a yankin, yayin da suka bayyana hakan a matsayin koma baya ga APC.
Source: Twitter
PDP ta yi kira ga masu ruwa da tsaki
Jam’iyyar PDP ta yi maraba da sababbin mambobin tare da kira ga sauran masu kishin ci gaban Gombe da su shiga jam’iyyar domin tallafa wa manufofin da suka shafi shugabanci nagari, haɗin kai da ci gaban jihar.
Jam’iyyar ta ce za ta ci gaba da ƙarfafa haɗin kai tsakanin mambobinta tare da neman goyon bayan jama’a a faɗin Jihar Gombe.
Abin da Pantami ya ce kan zaben fitar da gwani
A wani labarin kuma, kun ji cewa dan takarar gwamnan PDP a jihar Gombe, Isa Ali Pantami ya yi magana bayan nasarar lashe zaben fitar da gwani.
Farfesa Pantami ya ce bai damu ba ko kadan bayan kotu ta rusa zaben da aka yi a baya, ya ce ya godewa Allah da samun nasara.
Asali: Legit.ng
