Siyasa

Zai Yi Wahala APC Ta Kai Labari, Jiga-jigan Jam'iyya Sun Gargadi Tinubu Kan Halayen Ministansa

Talata, Maris 19, 2024 at 9:42 Safiya daga Abdullahi Abubakar 2 - tsawon mintuna

Jiga-jigan jam'iyyar APC a birnin Tarayya, Abuja sun yi barazana ga Shugaba Bola Tinubu kan zabe mai zuwa na 2027
Shugabannin jam'iyyar sun bukaci Tinubu ya ja kunnen Ministan Abuja, Nyesom Wike kan nuna wariya a mukamai
Har ila yau, sun zargi Wike da fatali da 'ya'yan jam'iyyar da fifita 'yan jami'yyarsa ta PDP mai hamayya a mukamai

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

FCT, Abuja - Shugabanninta jam'iyyar APC a Abuja sun yi Allah wadai da mukaman da Nyesom Wike ya nada.

Shugabannin suka ce Wike ya na kokarin cusa 'yan jami'yyarsa ta PDP a mukaman a madadinsu, cewar Thisday.

Kara karanta wannan

Ramadan: Dan takara a PDP ya gwangwaje shugabannin jam’iyyar da N7.8m

APC ta yi gargadi ga Tinubu kan halayen Wike a Abuja — APC ta bukaci Tinubu ya gargadi Wike ka da ya jawo rashin nasara ga jami'yyar a zabe. Hoto: Bola Tinubu, Nyesom Wike.
Asali: Facebook

Menene APC ke kira ga Tinubu kan Wike?

Jiga-jigan jami'yyar sun bayyana haka ne a Abuja yayin ganawa da manema labarai a sakatariyar kungiyar 'yan jaridu (NUJ).

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Sun bukaci Shugaba Tinubu ya gargadi Wike kafin ya lalata jam'iyyar a birnin Abuja musamman kan zaben 2027.

Jigon jami'yyar a Abuja, Abdulwahab Ekekhide shi ya bayyana haka inda ya ce an yi fatali da mambobin jami'yyar a birnin, cewar Leadership.

"Muna kira ga Shugaba Tinubu da ya gargadi Wike kan irin mukamai da ya ke naɗawa a birnin Abuja."

"Dole ya rinƙa ba 'yan jam'iyyar dama idan ba haka ba APC za ta iya rasa kason da ake bukata a zaben 2027."

- Abdulwahab Ekekhide

Dalilin gargadin APC ga Tinubu kan Wike

Wannan na zuwa ne bayan Wike ya nada Hon. Chidi Amadi a matsayin shugaban ma'aikatansa, cewar Liberty Radio.

Kara karanta wannan

Bola Tinubu ya bayyana ɗan takarar da zai lashe zaben gwamnan jihar Edo a 2024

Har ila yau, Shugaba Tinubu ya nada Hon. Felix Amaechi a matsayin kwadinetan hukumar gudanarwa ta birnin Abuja.

Wadannan nade-nade sun jawo cece-kuce musamman a tsakanin 'ya'yan jam'iyyar APC da suka sha wahala wurin kawo gwamnatin Tinubu.

Wike ya gargadi makiyaya

Kun ji cewa Ministan Abuja, Nyesom Wike ya tura sakon gargadi ga makiyaya a birnin Abuja.

Wike ya ce ba zai lamunci yadda makiyaya ke kiwo kara zube a tsakiyar birnin ba wanda ke jawo matsaloli.

Asali: Legit.ng

Authors:

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Tags:

Bola Tinubu Zaben Najeriya APC Nyesom Wike Abuja