Mutum 8 Da Suka Zama Gwamnoni a Dalilin Hukuncin Kotun Koli Daga 2007 Zuwa Yau

Mutum 8 Da Suka Zama Gwamnoni a Dalilin Hukuncin Kotun Koli Daga 2007 Zuwa Yau

  • Kamar yadda kotun koli ta kan tsige Gwamnoni, hakan yana nufin akwai wadanda za a nada a mulki
  • A sakamakon hukuncin kotun koli ne aka samu canjin lissafin masu mulki a jihohin Bayelsa da Zamfara
  • A shekarun baya, ‘yan adawa sun karbe mulki daga hannun jam’iyyar PDP a Edo, Osun, Ekiti da sauransu

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Abuja - An yi ‘yan siyasa da suka zama gwamnoni a sanadiyyar hukuncin kotun koli wanda ita ce kotu mafi girma a dokar Najeriya.

A rahoton nan, Legit ta tattaro ‘yan siyasan da suka yi sa’ar samu mulki ta hanyar kotu:

kotun koli
Gwamnonin kotun koli Hoto: Getty Images, africasacountry.com
Asali: Getty Images

Su wanene gwamnonin kotun koli?

1. Peter Obi

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Kara karanta wannan

Jam’iyyun adawa sun cigaba da shirin hada kai domin yakar Tinubu da APC a 2027

Peter Obi ya koma kan kujerar mulkinsa a jihar Anambra ne da alkalan kotun koli suka tsige Mai girma Andy Uba a tsakiyar shekarar 2007.

2. Adams Oshiomhole

Adams Oshiomhole ya yi mulki a jihar Edo ne da kotu ta tunbuke Farfesa Oserheimen Osunbor bayan 'yan watanni a ofis a matsayin gwamna.

3. Kayode Fayemi

Dr. Kayode Fayemi yana sahun nan domin a dalilin tsige Olusegun Oni a kotu ne ya samu mulki, ya yi shekaru hudu a ofis kafin a doke shi a 2014.

4. Rauf Aregbesola

Osun ta na cikin jihohin da PDP ta rasa bayan zaben 2007, Rauf Aregbesola ya yi nasara a kotun koli a kan Mai girma Olagunsoye Oyinlola.

5. Bello Matawalle

Mukhtar Idris ake shirin za a rantsar a matsayin gwamna sai kotun koli ta karbe kujerun APC a Zamfara, a haka Bello Matawalle ya dare mulki

6. Hope Uzodinma

A zaben 2019, hukumar INEC ta ba Emeka Ihedioha nasara ne amma daga baya alkalai suka ce Hope Uzodinma na APC ne halattacen gwamna.

Kara karanta wannan

Yanzun Nan: Babbar Kotu ta yanke hukunci kan tsohon ministan da ake zargi da karkatar da $6bn

7. Douye Diri

Douye Diri ya sha kashi a hannun David Lyon a zaben gwamnan Bayelsa, kwatsam ana shirin rantsar da APC sai kotun koli ta soke nasarar Lyon.

8. Rotimi Amaechi

Rotimi Amaechi ya samu mulki ne a irin haka a 2007, duk da ba shi ya shiga zaben gwamnan Ribas ba, kotu ta ba shi nasara a jam’iyyar PDP.

Yadda Bola Tinubu ya samu mulki

A makon nan aka ji labari Femi Gbajabiamila ya fadi yadda aminan Bola Tinubu suka yi sanadiyyar zamansa shugaban kasa a 2023.

Hadimin fadar shugaban kasan ya ce wadanda suka yi aiki da Bola Tinubu a 1992 sun yi masa rana da ya tsaya takara a inuwar APC.

Asali: Legit.ng

Authors:
Muhammad Malumfashi avatar

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng

Online view pixel