Zaben 2023: PRP Ta 'Rushe' A Sokoto, Dukkan Yan Takarar Ta Sun Koma APC

• Babban jam'iyyar hamayya a jihar Sokoto, APC, ta samu tagomashi a yayin da daukakin yan PRP suka dawo cikinta
• Sai'idu Muhammad Gumbarawa, dan takarar gwamna na PRP, wanda ya yi wa sauran yan takarar jagora ya ce sun shigo APC ne don bada gudunmawarsu ga cigaban jihar
• Wamakko, jigon APC a Sokoto, ya bayyana farin cikinsa tare da yi wa dukkan yan PRP da suka shigo APC adalci

Jihar Sokoto - Yan watanni gabanin babban zaben 2023, baki daya yan jam'iyyar Peoples Redemption Party, PRP, sun koma jam'iyyar All Progressives Congress a jihar, rahoton The Punch.

Gaba daya shugabannin jam'iyyar karkashin dan takarar gwamnan ta, Sa'idu Muhammad Gumburawa, sun fita daga jam'iyyar zuwa APC.

Kara karanta wannan

Da Gaske Jam'iyyar PRP Ta Rushe Cikin APC a Sakkwato? An Fayyace Gaskiyar Lamari

Wadanda suka sauya shekan sun hada da yan takarar sanatoci uku a jihar, dukkan yan takarar majalisar wakilai na tarayya, yan takarar majalisar jiha da shugabanninta na jiha zuwa kananan hukumomi.

Jagoran jam'iyyar, wanda kuma shine dan takarar gwamna a jihar, Saidu Muhammad Gumburawa ya sanar da jagoran APC, Sanata Aliyu Wamakko cewa sun yanke shawarar barin tsohuwar jam'iyyarsu ne don cigaba da bada gudunmawarsu wurin ganin nasarar APC a jihar a zaben 2023 da ke tafe.

Ya kara bayanin cewa duba da halin da jihar ta tsinci kanta a ciki karkashin gwamnatin PDP, sun taho APC su hada gwiwa da shugabanninta don cin zabe don jihar ta koma yadda ta ke a baya karkashin gwamnatin tsohon gwamna, Aliyu Wamakko.

Wamakko ya yi maraba da wadanda suka shio APCn

A jawabinsa, Wamakko ya yi maraba da sabbin mambobin ya kuma bayyana Gumburawa a matsayin aboki sannan abokin huldar cigaba.

Kara karanta wannan

'Dan Takarar Gwamna, 'Yan Takarar Majalisar Tarayya da Majalisar Jiha Sun Aje Tikitinsu, Sun Koma APC a Jihar Arewa

Kamar yadda Within Nigeria ta rahoto, tsohon gwamnan na Sokoto ya bayyana farin cikinsa da shigowarsu APC kuma ya bayyana APC a matsayin jam'iyyar wadanda ke son ganin cigaban Sokoto.

Ya bawa Gumburawa tabbacin APC za ta yi aiki da shi da magoya bayansa kut-da-kut don tabbatar da aiki cikin zaman lafiya a koda yaushe.

Hadimin Tambuwal Da Jigon PDP A Sokoto Sun Sauya Sheka Zuwa APC

Mashawarci na musamman ga Gwamna Aminu Waziri Tambuwal na Sokoto, Bello Malami, ya bar jam'iyyar PDP ya koma APC a yayin da ake tunkarar zaben 2023.

Kazalika, jigon jam'iyyar PDP mai mulki a Sokoto, Alhaji Umaru Chori Sanyima shima ya fita daga jam'iyyar ta PDP ya sauya sheka zuwa APC.

Asali: Legit.ng