Jiragen sama 15 Sun Sauka Yayin da Atiku Ya Kaddamar da Kamfen 2023

Jiragen sama 15 Sun Sauka Yayin da Atiku Ya Kaddamar da Kamfen 2023

  • Jirage barkatai sun sauka a babban filin jirgin saman Victor Attah da ke garin Uyo a farkon makon nan
  • Gwamnoni da sauran manyan jam’iyyar PDP sun je Akwa Ibom domin kaddamar da yakin neman zabe
  • Atiku Abubakar da Ifeanyi Okowa sun fara neman mulkin kasar nan a karkashin jam’iyyar PDP

Akwa Ibom - Rahoton da Punch ta fitar a farkon makon nan ya nuna yadda jam’iyyar PDP mai neman mulkin Najeriya ta fara yakin neman zabenta na 2023.

Ana maganar akalla jiragen sama 15 suka sauka a babban filin sauka da tashin jiragen sama na garin Uyo a jihar Akwa Ibom a ranar Litinin domin kamfe.

Gwamnonin jam’iyyar PDP da aka gani a wajen kaddamar da kamfe din sun kunshi Aminu Waziri Tambuwal wanda shi ne Darekta Janar na yakin zabe.

Kara karanta wannan

Gwamna Wike da Wasu Kusoshi da Suka Ki Halartar Taron Fara Yakin Neman Zaben Shugaban Kasa Na PDP

Sai kuma Ahmadu Umaru Fintri na jihar Adamawa, Darius Ishaku na Taraba; da Mai girma Gwamna Udom Emmanuel wanda shi ne mai masaukin baki.

Sauran gwamnonin da aka gani su ne: Gwamnan Bayelsa, Douye Diri; Gwamnan Bauchi, Bala Mohammed; Gwamnan Edo, Godwin Obaseki; da Ifeanyi Okowa.

Wasu Gwamnoni sun ki zuwa

Akwai wasu gwamnonin jihohin PDP da suka kauracewa taron da jam’iyyarsu ta shirya.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Gwamnonin nan sun hada da Nyesom Wike da wadanda suke bangarensa irinsu Seyi Makinde, Samuel Ortom, Ikpeazu Okezie da kuma Ifeanyi Ugwuanyi.

Atiku
Atiku Abubakar a Uyo Hoto: @Atikuorg
Asali: Facebook

Jiragen sama a Akwa Ibom

Jaridar tace jiragen da aka gani a babban filin jirgin tashin Victor Attah sun hada da Hawker Siddeley 125 mai lamba 5N-BZP na kamfanin Jubilee Aviation.

An ga jirgin saman Jed Air na Bombardier Challenger 604 mai lamba 5N-BYN, sai jirgin HS 125 mai lamba 5N-BZT da wani jirgin Embraer Phenom 300 (E55P).

Kara karanta wannan

2023: Ana Shirin Bude Kamfe Yau, Atiku Ya Dauki Matakin Karshe Kan Rikicinsa da Gwamna Wike

Sauran wadanda aka iya hange su ne: Jirgin Dogon Daji kirar HS125 mai lamba 5N-BNM da Lear Jet 45 mai dauke da lamba 5N-BLW da jirgin Embraer E135.

Wani jirgin saman da ya sauka a Uyo jiya shi ne Embraer E145 da wani jirgin Embraer E135 dabam, sai jirgin Embraer E145 daga United Nigeria Airlines.

Ba a ga jirgin saman Atiku Abubakar kirar Global Express a filin ba, haka zalika ‘yan jarida ba su hango jirgin saman jirgin Akwa Ibom mai lamba N224BV ba.

Tinubu bai da rashin lafiya - Chimaroke Nnamani

Dazu kun ji labari Sanatan yammacin Enugu, Chimaroke Nnamani ya fito fili yana yabon Bola Tinubu duk da kuwa yace Atiku Abubakar ne ‘dan takararsa a 2023.

Sanata Chimaroke Nnamani ya tabbatar da cewa ya zauna da ‘dan takaran APC, kuma ya same shi cikin cikakken koshin lafiya, akasin rade-radin da ke yawo.

Kara karanta wannan

Yayin da Aka Hana APC Shiga Takara a Akwa Ibom, Kwankwaso Ya Ci Kasuwa a Jihar

Asali: Legit.ng

Online view pixel