PDP ta yi sabon shugaba: Jerin sabbin shugabannin PDP da aka zaba a taron gangami

A jiya Asabar 30 ga watan Oktoba ne jam'iyyar PDP ta gudanar da taron gangaminta, inda batutuwa da yawa suka fito daga jiga-jigan jam'iyyar da suka halarci taron.

An kuma gudanar zaben shugabannin da za su rike manyan mukaman jam'iyyar a matakin kasa, inda aka sanar da zaben sabbin shugabannin jim kadan bayan kada kuri'u.

Gidan talabijin na Channels ya ruwaito cewa, a matsayin shugaban jam'iyyar PDP na kasa, an zabi tsohon shugaban majalisar dattawa, kuma dadadde a jam'iyyar PDP, Sanata Iyorchia Ayu.

Legit.ng Hausa ta tattaro sunaye da kujerun sabbin shugabannin da wakilan jam'iyyar ta PDP ta zaba.

Jerin sabbin shugabannin PDP

Kara karanta wannan

Deliget 3600 sun dira Abuja yayinda kotu ke shirin raba gardama tsakanin Uche Secondus da PDP

1. Shugaban jam'iyyar PDP na kasa – Iyorchia Ayu
2. Mataimakin shugaban jam'iyyar PDP na kasa (Arewa) – Umar Damagum (Tare da abokin hamayya)
3. Mataimakin shugaban jam'iyyar PDP na kasa (Kudu) - Taofeek Arapaja (Tare da abokin hamayya)
4. Sakataren PDP na kasa – Samuel Anyanwu (Ba hamayya)
5. Ma'ajin PDP na Kasa - Ahmed Mohammed (Ba Hamayya)
6. Sakataren tsare-tsare na kasa – Umar Bature (Ba hamayya)
7. Sakataren kudi na Kasa - Daniel Woyegikuro (Ba hamayya)
8. Shugabar Mata ta Kasa - Farfesa Stella Effah-Attoe (Ba hamayya)
9. Shugaban matasan jam'iyyar PDP na kasa – Muhammed Suleiman (Tare da abokin hamayya)
10. Mai ba da shawara kan harkokin shari'a – Kamaldeen Ajibade (Ba Hamayya)
11. Sakataren yada labarai na Kasa – Debo Ologunagba (Ba a Hamayya)
12. Babban mai binciken kudi na kasa – Okechuckwu Daniel (Ba hamayya)
13. Mataimakin sakatare na kasa - Setoji Kosheodo (Ba Hamayya)
14. Mataimakin ma'aji na kasa - Ndubisi David (Ba Hamayya)
15. Mataimakin sakataren yada labarai na kasa – Ibrahim Abdullahi (Ba Hamayya)
16. Mataimakin sakataren tsare-tsare na kasa – Ighoyota Amori (Ba Hamayya)
17. Mataimakin sakataren kudi na kasa – Adamu Kamale (Ba hamayya)
18. Mataimakiyar shugabar mata ta kasa – Hajara Wanka (Ba hamayya)
19. Mataimakin shugaban matasa na kasa – Timothy Osadolor (Ba Hamayya)
20. Mataimakin mai ba da shawara kan harkokin shari’a – Okechukwu Osuoha (Ba hamayya)
21. Mataimakin mai binciken kudi na kasa – Abdulrahman Mohammed (Ba hamayya)

Kara karanta wannan

Jam'iyyar ZLP ta ruguje yayin da shugabanta da mambobi suka koma PDP

Fastocin neman tsayawa takarar kujerun siyasa daban-daban sun bayyana a filin taron gangamin PDP

A ranar taron gangamin, dandalin Eagle Square, wurin da ake gudanar da taron gangamin jam’iyyar adawa ta PDP, a halin yanzu yana cike da tutoci da fastocin talla daban-daban na ‘yan takarar siyasa.

Wasu daga cikin fastocin sun hada da na gwamnan jihar Bauchi, Sanata Bala Mohammed da tsohon dan takarar shugaban kasa na jam'iyyar PDP a zaben 2019, Atiku Abubakar.

Hakazalika da tsohon dan sanata, Shehu Sani; Gwamna Nyesom Wike na jihar Ribas; Doyin Okupe; Gwamna Aminu Tambuwal da sauran su.

Asali: Legit.ng