InnalilLahi Wa Inna Ilaihi Raji'un, An Kashe Sheikh Yahaya Masussuka a Kofar Gidansa

InnalilLahi Wa Inna Ilaihi Raji'un, An Kashe Sheikh Yahaya Masussuka a Kofar Gidansa

  • Waus mahara da ake zaton yan bindiga ne sun kashe babban malamin musulunci, Sheikh Yahaya Ibrahim Masussuka a jihar Katsina
  • Rahotanni sun nuna cewa maharan sun bude wa malamin wuta tare da wani almajirinsa a kofar gidansa da ke Dutsinma a daren yau Litinin
  • Rundunar yan sandan jihar Katsina ta tabbatar da mutuwar Malam Masussuka sakamakom harin da aka kai masa har gida

Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Katsina, Nigeria - Rahotannin da muka samu yanzu hana sun nuna cewa yan bindiga sun kashe fitaccen malamin addinin musuluncin nan, Sheikh Yahaya Ibrahim Masussuka a jihar Katsina.

An ce wasu da ake zargin yan bindiga ne suka harbe malamin a kofar gidansa da ke cikin garin Dutsinma, karamar hukumar Dutsinma ta jihar Katsina.

Masussuka.
Babban malamin musulunci, Sheikh Yahaya Ibrahim Masussuka Hoto: Sheikh Yahaya Ibrahim Masussuka
Source: Facebook

Jami’in hulɗa da jama’a na rundunar ’yan sandan jihar Katsina (PPRO), DSP Abubakar Sadiq Aliyu, ANIPR ya tabbatar da kaahe malamin a wata sanarwa da ya wallafa a Facebook.

Kara karanta wannan

Atiku ko Tinubu: Malamai 1100 sun tsaida ‘dan takaran shugaban kasarsu a Katsina

Yan sanda sun tabbatar da kashe Masussuka

Rundunar yan sandan ta tabbatar da rasuwar Sheikh Yahaya Ibrahim Masussuka, da abokinsa, Adamu Abubakar, sakamakon harin da wasu da ake zargin ’yan bindiga ne suka kai musu.

Lamarin ya faru ne a yau, Litinin, 26 ga Oktoba, 2026, da misalin ƙarfe 7:30 na dare, a gaban gidan malamin da ke ƙaramar hukumar Dutsin-Ma ta jihar Katsina, lokacin da wasu mutane biyu a kan babur suka buɗe musu wuta.

"Bayan samun rahoton faruwar lamarin, jami’in ’yan sanda mai kula da sashen Dutsin-Ma (DPO) ya jagoranci tawagar jami’ai zuwa wurin da lamarin ya faru.
"Nan take aka garzaya da waɗanda aka harba zuwa asibiti mafi kusa domin ba su kulawar likitoci, amma likitan da ya duba su ya tabbatar da rasuwarsu," in ji sanarwar.

An tura karin jami'an don fara bincike

Kwamishinan ’yan sandan jihar Katsina, CP Ali Umar Fage, psc(+), mnips, ya bayar da umarnin tura jami’an tsaro na musamman da sauran jami’an gudanar da ayyuka zuwa yankin.

Kara karanta wannan

Babbar magana: An yi barazanar fitar da hotunan tsiraicin Gwamna Abba

Rundunar ta fara gudanar da bincike kan lamarin, yayin da ake ƙara ƙaimi wajen bin sawun waɗanda ake zargin domin cafke su.

Kwamishinan ’yan sandan ya miƙa saƙon ta’aziyyarsa ga iyalan mamatan, abokansu da mabiyansu, da kuma al’ummar ƙaramar hukumar Dutsin-Ma baki ɗaya bisa wannan babban rashi.

Ya tabbatar wa jama’a cewa rundunar ba za ta yi ƙasa a gwiwa ba har sai ta cafke waɗanda suka aikata wannan aika-aika tare da gurfanar da su a gaban shari’a.

Rundunar ta ce za ta sanar da jama’a duk wani sabon bayani da ya samu dangane da lamarin a kan lokaci.

Sheikh Dawud Muhammad ya rasu

Kun ji cewa an sanar da rasuwar babban malamin Musulunci, Sheikh Dawud Muhammad a jihar Bauchi bayan shafe shekaru yana yi wa addini hidima.

Rahotanni sun nuna cewa malamin yana cikin wadanda suka shafe shekaru suna yi wa addini hidima tun lokacin da aka kafa kungiyar Izala.

Asali: Legit.ng

Authors:
Ahmad Yusuf avatar

Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262