Bola Tinubu Ya Naɗa Fitaccen Malamin Addini na Sokoto, Kukah a Muƙami

• Fitaccen limamin cocin Katolika da ke jihar Sakkwato, Bishof Mathew Kukah ya samu muƙami a gwamnatin Bola Ahmed Tinubu
• Shugaba Tinubu ya naɗa Bishof Kukah a matsayin shugaban Majalisar Gudanarwa na jami'ar tarayya da ke Kachia a jihar Kaduna
• Tinubu ya naɗa shugabannin jami'ar da mambobin majalisar gudanarwa kuma ana sa ran makarantar za ta fara ɗaukar ɗalibai a 2025

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

FCT Abuja - Shugaban ƙasa, Bola Ahmed Tinubu ya naɗa Bishof Matthew Hassan Kukah, babban malamin darikar Katolika a jihar Sokoto, a muƙamin gwamnati.

Shugaba Tinubu ya naɗa Bishof Kukah matsayin Shugaban Majalisar Gudanarwa da na Jami’ar Fasaha ta Tarayya da ke Kachia a jihar Kaduna.

Mai ba shugaban ƙasa shawara kan harkokin yaɗa labarai da dabaru, Bayo Onanuga, ne ya sanar da haka a wata sanarwa da aka wallafa a X ranar Litinin.

Kara karanta wannan

2027: Matasa sun kaucewa tafiyar El Rufai a SDP, sun kama Peter Obi da Gwamna Bala

Bola Tinubu ya naɗa shugabannin jami'a

Sanarwar ta bayyana cewa shugaba Tinubu ya kuma naɗa wasu manyan jami’an gudanarwa na jami’ar, da suka haɗa da:

• Farfesa Qurix Williams Barnabas a matsayin Shugaban Jami’a (Vice Chancellor),
• Sanusi Gambo Adamu a matsayin magatakarda a Jami’a
• Ibrahim Dalhat a matsayin Akawu (Bursar),
• Farfesa Daniel Abubakar a matsayin Babban Mai Kula da dakin karatu

Tinubu ya naɗa abokan aikin Kukah

Har ila yau, Shugaba Tinubu ya amince da naɗin mambobin majalisar gudanarwa na Jami'ar daga sassa daban-daban na ƙasar nan.

Waɗanda shugaban ya naɗa sun haɗa da Thomas Etuh (Arewa ta Tsakiya), Cif Fabian Nwaora (Kudu maso Gabas), Farfesa Femi Taiwo (Kudu maso Yamma) da Zarah Bukar (Arewa Maso Gabas).

Onanuga ya bayyana cewa an zaɓi duk waɗannan mutane ne bisa cancanta, ƙwarewa, da jajircewarsu wajen inganta harkar ilimi a Najeriya.

Tinubu ya buƙaci su yi aiki da kwarewa

Shugaban ƙasa ya bukaci sababbin shugabannin jami’ar da su jajirce wajen gina fubalin ci gaban makarantra, don ta zama cibiyar ƙwarewa da binciken ilimi

Kara karanta wannan

Mene ake kitsawa?: Barau ya gana da Baffa Bichi da tsohon kwamishinan Abba

Tinubu ya roƙi waɗanda Allah ya ba shugabancin Jami'ar su ɗora ta a kan hanyar ci gaba daidai da shirin sabunta fata (Renewed Hope Agenda) na gwamnatinsa.

Bugu da ƙari, shugaba Tinubu ya yi kira ga sabbin shugabannin da su samar da tsare-tsaren ci gaba domin tabbatar da cewa jami’ar ta ɗauki ɗalibanta na farko a watan Satumba na 2025.

Jami’ar Fasaha ta Tarayya da ke Kachia, wadda a baya aka sani da Jami'ar No, an canza sunanta ne bayan da gwamnatin tarayya ta karɓi ragamar mallakarta.

Bishof Mathew Kukah na daga cikin fitattun malaman addini a Najeriya da suka shahara wajen bayyana ra'ayoyinsu kan lamuran siyasa, zamantakewa da ci gaban al'umma.

Nadin da Shugaba Bola Ahmed Tinubu ya yi masa a matsayin Shugaban Majalisar Gudanarwa na Jami'ar Fasaha ta Tarayya da ke Kachia, yana nuna yadda gwamnati ke daraja gudunmawar da shugabannin addini za su iya bayarwa wajen ci gaban ilimi da kasa baki daya.

Kara karanta wannan

Mutuwa mai yankar ƙauna: Tsohon ɗan Majalisa ya rasu kwanaki 7 kafin bikin ƙarin shekara

A tsawon shekarun da suka gabata, Bishof Kukah ya kasance mai fadin albarkacin bakinsa game da yadda ake tafiyar da al'amuran kasa, yana sukar matsalolin da suka shafi shugabanci da rashin adalci.

Saboda haka ne ma wannan nadin da aka yi masa ya jawo cece-kuce a tsakanin 'yan Najeriya.

Wasu na ganin cewa wannan wata dama ce da za ta bashi karin tasiri wajen taka rawar gani a bangaren ilimi, yayin da wasu kuma ke fargabar kada mukamin ya hana shi kasancewa murya mai karfi a cikin al'umma kamar yadda aka san shi a baya.

Shugaba Tinubu ya naɗa Jega a muƙami

A wani rahoton, kun ji cewa shugaban ƙasa, Bola Ahmed Tinubu ya bai wa tsohon shugaban hukumar INEC, Farfesa Attahiru Jega muƙami a gwamnatinsa.

A wata sanarwa da fadar shugaban ƙasa ta fitar, ta ce Tinubu ya amince da naɗin Jega a matsayim mai ba shi shawara ta musamman kan harkokin dabbobi.

Kara karanta wannan

Yunkurin tsige gwamna ya jefa Shugaba Tinubu a matsala, an yi masa barazana

Muhammad Malumfashi, babban edita a sashen Hausa na Legit ya duba labarin.

Salisu Ibrahim ya fadada labarin nan.

Wanda ya tantance Muhammad Malumfashi, babban edita a Legit.ng.

Asali: Legit.ng