Katsina: "Yadda 'Yan Bindiga Suka Shirya Tuggu, Suka Kashe Sojoji" Inji DHQ

• Rundunar sojojin Najeriya ta tabbatar da mutuwar jami’anta guda 4 a harin da ‘yan ta’adda su ka kai jihar Katsina, yayin da aka jikkata wadansu a Zamfara
• Daraktan tsaro kan yada labaran rundunar ta kasa, Manjo Janaral Edward Buba ya tabbatar da cewa 'yan daba sun kai hari sansanin sojoji da ke karamar hukumar Faskari
• A cewarsa a wani harin kwantan bauna daban da aka kaiwa jami'ansu da ke aiki a jihar Zamfara, wasu sojoji biyar sun jikkata yayin da suka fatattaki bata-garin

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Katsina-Rundunar sojojin Najeriya ta tabbatar da kisan wasu jami’anta da ke aiki da ‘operation hadarin daji’ guda hudu a jihar Katsina.

Kara karanta wannan

'Yan bindiga sun kai hari Benue, sun halaka mace mai juna 2 da wasu mutane 10

Rahotanni sun bayyana cewa wasu ‘yan ta’adda sun kai hari sansanin sojoji a karamar hukumar faskari da ke jihar Katsina ranar Lahadi.

Darektan yada labarai a hedkwatar tsaro, Edward Buba, ya tabbatarwa Daily Trust cewa mutum hudu ne su ke da tabbacin sun rasu ba biyar ba.

Manjo Janar Edward Buba ya bayyana cewa an kai harin kwantan bauna kan jami’ai biyar da ke tsaron iyakar Najeriya.

An kara kai hari kan sojoji

A rahoton da rundunar sojojin kasar nan ta fitar dauke da sa hannun Manjo Janaral Edward Buba ya bayyana cewa wasu ‘yan ta’adda sun kai hari kan wasu jami’an ta a a jihar Zamfara.

Ya ce harin da aka kai ya yi sanadiyyar mutuwar jami’anta guda hudu a kauyen Kuran Mota dake titin Alikere Yarmalimai a jihar Zamfara, kamar yadda The Guardian ta wallafa.

Kara karanta wannan

Jami'an DSS sun kai samame harabar kotu ana cikin shari'a, sun kama mutum 2

Manjo Janar Edward Buba ya ce duk da rundunar ta samu asarar rayuka da jikkatar wadansu, amma sojojin sun yi galaba a kan ‘yan ta’addar.

Rundunar ta bayyana cewa babu wani aiki da jami’an sojojin ke fita ba tare da samun galaba a kan wasu ‘yan bindiga ba.

Sojoji sun yi nasara kan 'yan ta'adda

A baya mun ruwaito mu ku cewa jami'an sojojin Najeriya sun samu nasarar ceto wasu mutum biyu yayin da suka fatattaki 'yan bindiga a jihar Katsina.

Rahotanni sun tabbatar da cewa an kama wani kasungurmin dan ta'adda guda daya, sannan an gano babur guda daya da kuma tarin makamai.

Muhammad Malumfashi, babban edita a sashen Hausa na Legit ya duba labarin.

Asali: Legit.ng