‘Hassan da Husaini ne?’ Gaskiyar Abin da Abba Ya Fada da Ya Hadu da Sarkin Kano

• Abba Kabir Yusuf ya zauna da Sarkin Kano a ranar hawan Nasarawa da ya gudana ranar Juma’a a sallar nan
• Mun yi bincike ganin ana yada cewa Mai girma Gwamnan jihar Kano ya kira Sarki Aminu Ado Bayero da Husaininsa
• Zancen ya jawo surutu ne ganin wasu suna ganin za a bibiyi dokar da ta kawo Mai martaba Aminu Ado Bayero a 2019

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Kano - A ranar Juma’a aka fara yawo da jita-jita cewa Gwamnan Kano, Abba Kabir Yusuf ya nuna tagwaye suke da Sarkin Kano.

An kirkiro labarin ne bayan Mai girma Abba Kabir Yusuf da Mai martaba Aminu Ado Bayero sun hada a ranar hawan Nasarawa.

Ana hawan karamar sallah a Kano

Kara karanta wannan

Akwai dalili: Shekara 1 na Shugaba Tinubu ta fi shekaru 8 na mulkin Manjo Buhari, Reno Omokri

A halin yanzu ana bukukuwan sallah, a Kano abin ya fi armashi saboda kwanakin da ake shafewa ana hawa domin wannan biki.

Bisa al’ada, Sarkin Kano ya kan ziyarci fadar gwamnatin Kano a ranar hawan Nasarawa da ake yi kwanaki biyu bayan idi.

Kano: Aminu Bayero ya hadu da Abba

Wannan karo abin bai canza ba, Sarki Aminu Bayero da mutanensa sun je fadar gwamnati, an yi zama a dakin taron Africa House.

Jim kadan bayan nan sai wata gidan rediyo da ke Kano ta rahoto gwamna Abba ya ce shi da Sarki tamkar Hasan da Husaini ne.

Legit Hausa ta bibiyi gaskiyar abin da ya faru, ta fahimci an juya kalaman gwamnan a lokacin da wasu ke kiran a sauke Mai martaba.

Gwamna Abba da jinin sarautar Kano

Kara karanta wannan

Watanni 2 da maganar komawa APC, Abba ya dauko binciken Ganduje da iyalinsa

Abba Yusuf yana cikin jikokin Ibrahim Dabo da ke sarautar Kano, jika ne ga ‘Dan makwayon Kano, amma bai yi wannan magana ba.

Kakan Abba ya rike Hakimi a Gaya a lokacin da Abdullahi Bayero yake sarki a Kano.

Ikirari: Abba ya ce Sarki Husaininsa ne?

Fai-fan da Salisu Hotoro ya wallafa a Facebook ya nuna gwamnan ya ce gwamnati da masarauta tagwaye ne wajen mulki a Kano.

"Masarauta da gwamnati Hasan da Husaini ne wajen gudanar da aikin gwamnati."

- Abba Kabir Yusuf

Hadimin gwamnan Kano ya yi magana

Mai taimakawa gwamnan wajen kafofin sadarwa na zamani ya karyata wannan jita-jita, ya ce babu inda gwamna ya fadi haka a jiya.

Hotoro ya ce Malam Usamatu Salga, Alhaji Shehu Sagagi da kwamishinan addinai ne suka yi magana bayan gwamna da Sarkin Kano.

An hana Sarkin Bichi nada sarauta

Kwanakin baya rahoto ya zo cewa Gwamnatin jihar Kano ta dakatar da naɗa sabon hakimin masarautar Bichi, Salisu Ado Bayero.

Salisu Bayero dai ƙane ne ga Sarkin Bichi, Nasiru Ado Bayero. Wannan ya sa aka fara batun cewa watakila a sake taba masarautu.

Asali: Legit.ng