Tunji Ojo: Gwamnati Ta Shiga Binciken Ministanta da Ake Zargi a Badakalar Kwangila

• Hukumar CCB ta aika takardar gayyata zuwa ga Ministan harkokin cikin gidan Najeriya, Olubunmi Tunji-Ojo
• Za a nemi Minista ya yi bayani a kan zargin da ake yi masa na saba doka wajen karbar kwangilar N438m
• An ba kamfanin Tunji-Ojo kwagila, amma ya kafa hujja da cewa ya yi murabus daga kamfanin tun a 2019

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Abuja - Hukumar CCB ta aikawa Ministan cikin gida, Olubunmi Tunji-Ojo, gayyata domin ayi bincike a game da shi.

Rahoton da Punch ta kadaita da shi ya tabbatar da jami’an CCB sun fara binciken Olubunmi Tunji-Ojo a halin yanzu.

Betta Edu da Olubunmi Tunji-Ojo

Ana zargin tsohon kamfanin Ministan ya samu kwangila daga hannun Ministan jin-kai da yaki da talauci watau Betta Edu.

Kara karanta wannan

Kwankwaso, Matawalle da sauran tsaffin gwamnoni 13 da EFCC ta sake waiwayar zargin badakala kansu

Ita kan ta Dr. Betta Edu an dakatar da ita domin yin binciken kan zargin bada umarnin tura kudi zuwa wani asusu.

Tunji-Ojo da kamfanin New Planet Projects

Tun tuni aka taso takwaranta watau Tunji-Ojo a gaba ganin yadda ta ba kamfaninsa na New Planet Projects kwangila a 2023.

Wata takarda da jaridar ta ci karo da ita a ranar Litinin ya nuna CCBN ta nemi zama da ministan a ranar Talata 16 ga Junairu.

Za ayi wannan zama ne a hedikwatar CCB da ke sakatariyar ma’aikatun tarayya a Abuja.

Takardar binciken Tunji Ojo ta fito daga CCB

Darektan bincike da sa-ido a hukumar CCB, Gwimi S.P ya sa hannu a takardar a madadin shugabanta, Murtala Aliyu Kankiya.

Gayyatar kamar yadda takardar ta nuna, ta na cikin ikon da doka ta ba CCB a karkashin kundin tsarin mulkin Najeriyan 1999.

Kara karanta wannan

Jam’iyyun adawa sun cigaba da shirin hada kai domin yakar Tinubu da APC a 2027

Takardar ta fadawa Tunji-Ojo cewa ana neman shi ne domin yin bincike a kan zargin sabawa ka’idojin aikin gwamnatin tarayya.

Gwimi S.P yake cewa sunan tsohon ‘dan majalisar yana yawo don haka ake neman shi.

Tunji-Ojo: Ana so a binciki Ministan gida

Mai girma ministan ya ce ya ajiye kujerarsa a kamfanin da ake magana, amma kamfanin yana karkashin mai dakinsa ne.

A baya rahotanni sun ce ‘ya ‘yansu ne darektocin kamfanin, saboda haka ake ganin bai tsira daga zargin sabawa ka’idar aiki ba.

Asali: Legit.ng